Արարատ Թևոսյանի անունից WhatsApp-ում բացվել է կեղծ օգտահաշիվ
Բաժանորդագրվեք Zarkerak.am-ի տելեգրամ ալիքին։
ՆԳՆ հաշվառման-քննական ծառայությունների մատուցման, թույլտվությունների և լիցենզավորման վարչության պետ Արարատ Թևոսյանի անունից WhatsApp հավելվածում բացվել է կեղծ օգտահաշիվ, որով քաղաքացիներին ուղարկվում են հաղորդագրություններ։ Այս մասին տեղեկացնում են ՆԳՆ ոստիկանությունից:
«Տեղեկացնում ենք, որ տվյալ օգտահաշիվը և ուղարկվող հաղորդագրությունները ոչ մի առնչություն չունեն Արարատ Թևոսյանի հետ։
Խնդրում ենք լինել զգոն․ նման կեղծ հաշիվները օգտագործվում են քաղաքացիներից գումար կորզելու կամ անձնական տվյալներ ձեռք բերելու նպատակով»,- ասվում է հաղորդագրությունում։