https://arm.sputniknews.ru/20260312/inchu-e-hhn-hrazharvel-gharabaghcinerin-trvvogh-ajakcutjunic-zakharvovaji-meknabanutjuny-99768326.html
Ինչո՞ւ է ՀՀ–ն հրաժարվել ղարաբաղցիներին տրվող աջակցությունից․ Զախարովայի մեկնաբանությունը
Ինչո՞ւ է ՀՀ–ն հրաժարվել ղարաբաղցիներին տրվող աջակցությունից․ Զախարովայի մեկնաբանությունը
Sputnik Արմենիա
ՌԴ արտգործնախարարության ներկայացուցիչն ընթերցեց Հայաստանի պատասխանը։ 12.03.2026, Sputnik Արմենիա
2026-03-12T16:45+0400
2026-03-12T16:45+0400
2026-03-12T16:45+0400
հայաստան
արցախ
մարիա զախարովա
հումանիտար օգնություն
https://cdn.am.sputniknews.ru/img/07ea/03/0c/99764192_12:0:1600:893_1920x0_80_0_0_8316a429ac6d6b9c6136109ade9bc55f.jpg.webp
ԵՐԵՎԱՆ, 12 մարտի – Sputnik. Հայաստանը հրաժարվել է «Ռուսական մարդասիրական առաքելություն», «Եվրասիա» կազմակերպությունների և Ռոսսոտրուդնիչեստվոյի միջոցով ղարաբաղիներին հատկացվող աջակցությունից, որը մեկնարկել էր 2025 թվականի հունիս– հուլիսին՝ ի պատասխան հայկական հասարակական կազմակերպությունների դիմումի։ Ճեպազրույցի ժամանակ այս մասին հայտարարեց ՌԴ ԱԳՆ պաշտոնական ներկայացուցիչ Մարիա Զախարովան։«Այս ընթացքում օգնություն է ցուցաբերվել հանրապետության գրեթե բոլոր խոշոր քաղաքներում և հեռավոր ու դժվարամատչելի համայնքներում ու գյուղերում գտնվող գրեթե 7 հազար ընտանիքի», – մանրամասնեց նա:Նրա խոսքով` Ռուսաստանը նշված տարածաշրջանի մարդկանց երբեք չի թողել առանց աջակցության և օգնության և երբեք անտարբեր չի մնացել Հայաստանում գտնվող ղարաբաղցիների ճակատագրի նկատմամբ:Զախարովան հիշեցրեց` Մոսկվան առաջիններից էր, որ մարդասիրական օգնություն ուղարկեց Հայաստան, թեև արդեն այն ժամանակ Երևանում այնքան էլ ուրախ չէին ռուսական կողմի աջակցությունից:«Նունիսկ պաշտոնական խողովակներով հայտարարվում էր` շնորհակալություն, պետք չէ։ Հիմա էլ մերժում են ղարաբաղիների համար նախատեսված աջակցության շարունակումը», – ասաց նա։Զախարովան նշեց, որ այս ընթացքում մատակարարվել է մոտ 140 տոննա բեռ՝ սնունդ, առաջին անհրաժեշտության ապրանք և մասնագիտացված մանկական հավաքածուներ։ Նա ընդգծեց, որ հիմնական կարիքների բավարարումը թույլ էր տալիս, որ մարդիկ և Հայաստանի իշխանություններն ավելի շատ կենտրոնանան առավել հրատապ խնդիրների վրա՝ բնակարան, զբաղվածություն և սոցիալական վերաինտեգրում։Ավելին` որոշ ապրանքներ գնվել են Հայաստանում, ինչը լրացուցիչ խթան է դարձել տեղական արտադրության և փոքր բիզնեսի համար` ստեղծելով հավելյալ կարևոր էֆեկտ։«Երևանի հրաժարվելը հասկանալի կլիներ, եթե օգնության կարիք չլիներ։ Այդ դեպքում ակնհայտ է, որ ռուսական կողմն էլ չէր առաջարկի», – նշեց Զախարովան։Մինչդեռ քաղաքացիների դիմումների թիվը, նրա խոսքով, աճել է, և այն հիմնավորումը, ըստ որի` մերժվել է հաջորդ խմբաքանակի մատակարարումը, ավելի շատ հարցեր է առաջացնում, քան պատասխաններ։«Հայկական իրավական նորմերը սահմանափակում են նվիրատվությունների և բարեգործական օգնության տրամադրումը նախընտրական շրջանում», – ընթերցեց Զախարովան Երևանի պատասխանը` հավելելով, որ ռուսական կողմը փորձել է պարզել, թե ինչ է դա նշանակում, բայց որևէ պարզաբանում չի եղել։Նա ընդգծեց, որ քաղաքական ենթատեքստ չունեցող մարդասիրական օգնությունից հրաժարվելը պայմանավորված է ՀՀ իշխանությունների նախընտրական ցանկությամբ՝ ջնջել Ռուսաստանի մասին ցանկացած հիշատակում։
2026
Լուրեր
am_HY
https://cdn.am.sputniknews.ru/img/07ea/03/0c/99764192_409:0:1600:893_1920x0_80_0_0_86a37f2915a1af1bd89d119987300cd7.jpg.webp
հայաստան, արցախ, մարիա զախարովա, հումանիտար օգնություն
հայաստան, արցախ, մարիա զախարովա, հումանիտար օգնություն
ՌԴ արտգործնախարարության ներկայացուցիչն ընթերցեց Հայաստանի պատասխանը։
ԵՐԵՎԱՆ, 12 մարտի – Sputnik. Հայաստանը հրաժարվել է «Ռուսական մարդասիրական առաքելություն», «Եվրասիա» կազմակերպությունների և Ռոսսոտրուդնիչեստվոյի միջոցով ղարաբաղիներին հատկացվող աջակցությունից, որը մեկնարկել էր 2025 թվականի հունիս– հուլիսին՝ ի պատասխան հայկական հասարակական կազմակերպությունների դիմումի։ Ճեպազրույցի ժամանակ այս մասին հայտարարեց ՌԴ ԱԳՆ պաշտոնական ներկայացուցիչ Մարիա Զախարովան։
«Այս ընթացքում օգնություն է ցուցաբերվել հանրապետության գրեթե բոլոր խոշոր քաղաքներում և հեռավոր ու դժվարամատչելի համայնքներում ու գյուղերում գտնվող գրեթե 7 հազար ընտանիքի», – մանրամասնեց նա:
Նրա խոսքով` Ռուսաստանը նշված տարածաշրջանի մարդկանց երբեք չի թողել առանց աջակցության և օգնության և երբեք անտարբեր չի մնացել Հայաստանում գտնվող ղարաբաղցիների ճակատագրի նկատմամբ:
Զախարովան հիշեցրեց` Մոսկվան առաջիններից էր, որ մարդասիրական օգնություն ուղարկեց Հայաստան, թեև արդեն այն ժամանակ Երևանում այնքան էլ ուրախ չէին ռուսական կողմի աջակցությունից:
«Նունիսկ պաշտոնական խողովակներով հայտարարվում էր` շնորհակալություն, պետք չէ։ Հիմա էլ մերժում են ղարաբաղիների համար նախատեսված աջակցության շարունակումը», – ասաց նա։
Զախարովան նշեց, որ այս ընթացքում մատակարարվել է մոտ 140 տոննա բեռ՝ սնունդ, առաջին անհրաժեշտության ապրանք և մասնագիտացված մանկական հավաքածուներ։ Նա ընդգծեց, որ հիմնական կարիքների բավարարումը թույլ էր տալիս, որ մարդիկ և Հայաստանի իշխանություններն ավելի շատ կենտրոնանան առավել հրատապ խնդիրների վրա՝ բնակարան, զբաղվածություն և սոցիալական վերաինտեգրում։
Ավելին` որոշ ապրանքներ գնվել են Հայաստանում, ինչը լրացուցիչ խթան է դարձել տեղական արտադրության և փոքր բիզնեսի համար` ստեղծելով հավելյալ կարևոր էֆեկտ։
«Երևանի հրաժարվելը հասկանալի կլիներ, եթե օգնության կարիք չլիներ։ Այդ դեպքում ակնհայտ է, որ ռուսական կողմն էլ չէր առաջարկի», – նշեց Զախարովան։
Մինչդեռ քաղաքացիների դիմումների թիվը, նրա խոսքով, աճել է, և այն հիմնավորումը, ըստ որի` մերժվել է հաջորդ խմբաքանակի մատակարարումը, ավելի շատ հարցեր է առաջացնում, քան պատասխաններ։
«Հայկական իրավական նորմերը սահմանափակում են նվիրատվությունների և բարեգործական օգնության տրամադրումը նախընտրական շրջանում», – ընթերցեց Զախարովան Երևանի պատասխանը` հավելելով, որ ռուսական կողմը փորձել է պարզել, թե ինչ է դա նշանակում, բայց որևէ պարզաբանում չի եղել։
Նա ընդգծեց, որ քաղաքական ենթատեքստ չունեցող մարդասիրական օգնությունից հրաժարվելը պայմանավորված է ՀՀ իշխանությունների նախընտրական ցանկությամբ՝ ջնջել Ռուսաստանի մասին ցանկացած հիշատակում։