https://arm.sputniknews.ru/20260311/rusastany-mnum-e-hajastani-karevvor-arevtrajin-gvortsynkerneric-meky-pvokhnakharar-99714223.html
Ռուսաստանը մնում է Հայաստանի կարևոր առևտրային գործընկերներից մեկը. փոխնախարար
Ռուսաստանը մնում է Հայաստանի կարևոր առևտրային գործընկերներից մեկը. փոխնախարար
Sputnik Արմենիա
Գերատեսչության ներկայացուցիչն ընդգծեց, որ երկկողմ առևտրատնտեսական հարաբերությունները դինամիկ զարգանում են։ 11.03.2026, Sputnik Արմենիա
2026-03-11T13:36+0400
2026-03-11T13:36+0400
2026-03-11T13:38+0400
հայաստան
ռուսաստան
նարեկ հովակիմյան
սերգեյ կոպիրկին
առևտուր
տնտեսություն
https://cdn.am.sputniknews.ru/img/07e9/06/14/90386919_0:0:2560:1440_1920x0_80_0_0_92b1645684c6e3106c370d44497e1ab5.jpg.webp
ԵՐԵՎԱՆ, 11 մարտի – Sputnik. Ռուսաստանը շարունակում է մնալ Հայաստանի կարևոր առևտրային գործընկերներից մեկը՝ 2025 թվականի արդյունքներով զբաղեցնելով արտաքին առևտրի ընդհանուր ծավալի ավելի քան 35%-ը։ Այս մասին հայտարարեց ՀՀ էկոնոմիկայի փոխնախարար Նարեկ Հովակիմյանը Երևանում սննդամթերքի և ժողովրդական սպառման ապրանքների ոլորտում միջազգային գործարար առաքելության աշխատանքների մեկնարկին նվիրված հանդիպման ընթացքում:Հովակիմյանը նշեց, որ վերջերս երկկողմ առևտրատնտեսական հարաբերությունները դինամիկ զարգանում են։ Նրա խոսքով` ոլորտների զարգացման ամենակարևոր ասպեկտները կապված են սննդի և ժողովրդական սպառման ապրանքների հետ։ Նշված ոլորտները զգալի բազմապատկիչ ազդեցություն ունեն։Նա ընդգծեց համագործակցության զգալի ներուժի առկայությունը այնպիսի ոլորտներում, ինչպիսիք են սննդի արդյունաբերությունը, դեղագործությունը և այլն։ Այս ներուժը կարող է իրացվել համատեղ նախագծերի և գյուղատնտեսության ոլորտում համագործակցության շղթաների ստեղծման միջոցով: Հայաստանում վերջին տարիներին ակտիվ զարգանում է գյուղատնտեսությունը, պետական և մասնավոր ծրագրեր են իրականացվում գյուղատնտեսական ոլորտի արդիականացման, արտադրության ընդլայնման և արտադրանքի որակի բարելավման համար։ՌԴ–ն կարող է փոխարինել Իրանին ՀՀ ապրանքներ արտահանելու հարցում. առևտրային ներկայացուցիչՀՀ-ում Ռուսաստանի դեսպան Սերգեյ Կոպիրկինը նույնպես նշեց, որ Ռուսաստանը պահպանում է Հայաստանի գլխավոր տնտեսական գործընկերոջ դերը: Այդ մասին նա հայտարարեց բիզնես առաքելության մասնակիցներին ուղղված իր ուղերձում, որն ընթերցեց դեսպանատան խորհրդական–դեսպանորդ Դմիտրի Լիցկայը։«Ինչպես ցույց են տվել նախորդ տարվա արդյունքները, Ռուսաստանը պահպանել է հանրապետության հիմնական առևտրատնտեսական և ներդրումային գործընկերոջ դերը: Ռուսական կապիտալը լայնորեն ներկայացված է երկրի տնտեսության հիմնական ոլորտներում՝ հանքարդյունաբերություն, էներգետիկա, մետալուրգիա, տրանսպորտ և լոգիստիկա, բանկային ոլորտ, տեղեկատվական և հաղորդակցական տեխնոլոգիաներ», – ասվում է ուղերձում։Նրա խոսքով` ռուսաստանյան տնտեսական օպերատորների առաջատար դիրքերը ոչ միայն համատեղ խորհրդային պատմության ժառանգությունն են, այլև երկու երկրների բիզնես համայնքների անխոնջ աշխատանքի արդյունք, որոնք ակտիվորեն զարգացնում են բիզնես համագործակցությունը՝ չնայած տնտեսական և լոգիստիկ դժվարություններին և աշխարհաքաղաքական անկայունությանը։Դեսպանը նաև ընդգծեց Հայաստանի 11-ամյա անդամակցությունը Եվրասիական տնտեսական միությանը, որի մեխանիզմները խթանել են երկկողմ առևտրատնտեսական կապերն ու արդյունաբերական համագործակցությունը։Հիշեցնենք, որ սննդամթերքի և ժողովրդական սպառման ապրանքների ոլորտում միջազգային գործարար առաքելության աշխատանքների մեկնարկին նվիրված հանդիպումը կազմակերպվել էր Հայաստանում Ռուսաստանի առևտրային ներկայացուցչության և Ռուսաստանի արտահանման կենտրոնի ջանքերով «Արտադրված է Ռուսաստանում» ծրագրի շրջանակում։
2026
Լուրեր
am_HY
https://cdn.am.sputniknews.ru/img/07e9/06/14/90386919_320:0:2240:1440_1920x0_80_0_0_78f547e788dd90e3893dfb3fe52ed646.jpg.webp
հայաստան, ռուսաստան, նարեկ հովակիմյան, սերգեյ կոպիրկին, առևտուր, տնտեսություն
հայաստան, ռուսաստան, նարեկ հովակիմյան, սերգեյ կոպիրկին, առևտուր, տնտեսություն
Գերատեսչության ներկայացուցիչն ընդգծեց, որ երկկողմ առևտրատնտեսական հարաբերությունները դինամիկ զարգանում են։
ԵՐԵՎԱՆ, 11 մարտի – Sputnik. Ռուսաստանը շարունակում է մնալ Հայաստանի կարևոր առևտրային գործընկերներից մեկը՝ 2025 թվականի արդյունքներով զբաղեցնելով արտաքին առևտրի ընդհանուր ծավալի ավելի քան 35%-ը։ Այս մասին հայտարարեց ՀՀ էկոնոմիկայի փոխնախարար Նարեկ Հովակիմյանը Երևանում սննդամթերքի և ժողովրդական սպառման ապրանքների ոլորտում միջազգային գործարար առաքելության աշխատանքների մեկնարկին նվիրված հանդիպման ընթացքում:
Հովակիմյանը նշեց, որ վերջերս երկկողմ առևտրատնտեսական հարաբերությունները դինամիկ զարգանում են։ Նրա խոսքով` ոլորտների զարգացման ամենակարևոր ասպեկտները կապված են սննդի և ժողովրդական սպառման ապրանքների հետ։ Նշված ոլորտները զգալի բազմապատկիչ ազդեցություն ունեն։
«Այս ոլորտներից մեկի զարգացումը խթանում է աճը և բարգավաճումը տնտեսության այլ ոլորտներում՝ նպաստելով նոր աշխատատեղերի ստեղծմանը և սպառողական պահանջարկի աճին։ Սա ընդգծում է շուկայի տարբեր մասնակիցների միջև ակտիվ փոխգործակցության և համագործակցության անհրաժեշտությունը՝ կայուն տնտեսական աճի հասնելու և ընդհանուր բարեկեցությունը բարելավելու համար», – նշեց նա։
Նա ընդգծեց համագործակցության զգալի ներուժի առկայությունը այնպիսի ոլորտներում, ինչպիսիք են սննդի արդյունաբերությունը, դեղագործությունը և այլն։ Այս ներուժը կարող է իրացվել համատեղ նախագծերի և գյուղատնտեսության ոլորտում համագործակցության շղթաների ստեղծման միջոցով: Հայաստանում վերջին տարիներին ակտիվ զարգանում է գյուղատնտեսությունը, պետական և մասնավոր ծրագրեր են իրականացվում գյուղատնտեսական ոլորտի արդիականացման, արտադրության ընդլայնման և արտադրանքի որակի բարելավման համար։
ՀՀ-ում Ռուսաստանի դեսպան Սերգեյ Կոպիրկինը նույնպես նշեց, որ Ռուսաստանը պահպանում է Հայաստանի գլխավոր տնտեսական գործընկերոջ դերը: Այդ մասին նա հայտարարեց բիզնես առաքելության մասնակիցներին ուղղված իր ուղերձում, որն ընթերցեց դեսպանատան խորհրդական–դեսպանորդ Դմիտրի Լիցկայը։
«Ինչպես ցույց են տվել նախորդ տարվա արդյունքները, Ռուսաստանը պահպանել է հանրապետության հիմնական առևտրատնտեսական և ներդրումային գործընկերոջ դերը: Ռուսական կապիտալը լայնորեն ներկայացված է երկրի տնտեսության հիմնական ոլորտներում՝ հանքարդյունաբերություն, էներգետիկա, մետալուրգիա, տրանսպորտ և լոգիստիկա, բանկային ոլորտ, տեղեկատվական և հաղորդակցական տեխնոլոգիաներ», – ասվում է ուղերձում։
Նրա խոսքով` ռուսաստանյան տնտեսական օպերատորների առաջատար դիրքերը ոչ միայն համատեղ խորհրդային պատմության ժառանգությունն են, այլև երկու երկրների բիզնես համայնքների անխոնջ աշխատանքի արդյունք, որոնք ակտիվորեն զարգացնում են բիզնես համագործակցությունը՝ չնայած տնտեսական և լոգիստիկ դժվարություններին և աշխարհաքաղաքական անկայունությանը։
Դեսպանը նաև ընդգծեց Հայաստանի 11-ամյա անդամակցությունը Եվրասիական տնտեսական միությանը, որի մեխանիզմները խթանել են երկկողմ առևտրատնտեսական կապերն ու արդյունաբերական համագործակցությունը։
Հիշեցնենք, որ սննդամթերքի և ժողովրդական սպառման ապրանքների ոլորտում միջազգային գործարար առաքելության աշխատանքների մեկնարկին նվիրված հանդիպումը կազմակերպվել էր Հայաստանում Ռուսաստանի առևտրային ներկայացուցչության և Ռուսաստանի արտահանման կենտրոնի ջանքերով «Արտադրված է Ռուսաստանում» ծրագրի շրջանակում։