Քաղաքական կամք և խիզախություն ենք դրսևորել հանուն խաղաղության. նման իրավիճակ չի եղել 30 տարի. Խաչատուրյան
Բաժանորդագրվեք Zarkerak.am-ի տելեգրամ ալիքին։
«Մենք քաղաքական կամք և խիզախություն ենք դրսևորել հանուն խաղաղության»:
Այս մասին Դավոսում «Եվրասիայի տնտեսական ինքնության սահմանումը» թեմայով քննարկման ժամանակ ասել է Վահագն Խաչատուրյանը՝ շարունակելով Ադրբեջանի նախագահ Իլհամ Ալիևի խոսքերը:
«Մենք ապրում ենք մի իրավիճակում, որը չենք տեսել ավելի քան 30 տարի։ Երկու տարի կամ նույնիսկ մեկ տարի առաջ անհավատալի էր մտածել, որ մենք կարող ենք հասնել այս իրավիճակին:
Հիմա Ադրբեջանից բեռները Վրաստանի տարածքով գնում են Հայաստան, և ես վստահ եմ, որ մի օր մենք կկարողանանք դրանք տեղափոխել անմիջապես մեր տարածքով։ Դա թույլ կտա ուղիղ տրանսպորտային հաղորդակցություն հաստատել Ադրբեջանի և Հայաստանի միջև և հաղթահարել 90-ականների խնդիրները։
Ամենակարևորը՝ մենք առաջ ենք նայում։ Եթե կենտրոնանանք անցյալի վրա և փնտրենք տեղի ունեցածի պատճառները, մենք բաց կթողնենք հնարավորությունները: Մենք գնահատում և գիտակցում ենք դա: Ինչպես նշել է նախագահ Ալիևը, մենք պետք է սովորենք ապրել խաղաղության մեջ, և կարող եմ հավաստիացնել, որ մեզ համար դա նույնպես անսովոր և նոր իրականություն է»,-ասել է ՀՀ նախագահը։
Նա նշել է, որԱդրբեջանի և Հայաստանի ղեկավարներն արդեն իսկ ցույց են տվել խաղաղության հասնելու քաղաքական կամք և համարձակություն: