ՖԻՖԱ-ն Երևանի «Ուրարտուին» արգելել է նոր ֆուտբոլիստների գրանցել երեք տրանսֆերային պատուհանների ընթացքում, նշված է ՖԻՖԱ-ի պաշտոնական կայքում։
Արգելքն ուժի մեջ է մտել 2026 թվականի մարտի 5-ից։
Սովորաբար նման արգելքները սահմանվում են որպես կանխարգելիչ միջոց։ Եթե ակումբը լուծի իր խնդիրները, արգելքը կհանվի ժամկետից շուտ։
«Ուրարտուից» բացի, Հայաստանում տրանսֆերների արգելք է դրված նաև «Լոռի» և «Վեստ Արմենիա» ակումբների վրա, որոնք պրոֆեսիոնալ լիգաներում թիմեր չունեն։