Քաղաքականություն
06.03.2026 | 10:03
Թեհրանի վրա ծանր հարձակումների մասին հաղորդումներ են ստացվում՝ այն բանից հետո, երբ Իսրայելը հայտարարել է, որ հարվածում է «ռեժիմի ենթակառուցվածքներին»՝ Իրանի դեմ Միացյալ Նահանգների հետ սկսված պատերազմի «նոր փուլում», գրում է France 24-ը։
Վաղ առավոտյան իրանական լրատվամիջոցները հաղորդել են մայրաքաղաք Թեհրանին ծանր հարվածների մասին։
Իսրայելի ԳՇ պետ Էյալ Զամիրն ավելի վաղ զգուշացրել էր, որ իսրայելա-ամերիկյան արշավն անցնում է «հաջորդ փուլ» և «կհանգեցնի ռեժիմի և դրա ռազմական կարողությունների հետագա կազմաքանդման»։
«Մենք առջևում ունենք լրացուցիչ անակնկալներ, որոնք ես մտադիր չեմ բացահայտել»,- հեռուստատեսային հայտարարության մեջ ասել է գեներալ-լեյտենանտ Էյալ Զամիրը։
Թարգմանությունը՝ Էմմա Չոբանյանի