«Քաղաքացիական պայմանագիր» խմբակցության պատգամավոր Դավիթ Դանիելյանը ֆեյսբուքյան էջում տեղեկացնում է. «Սիրելի հայրենակիցներ, տեղեկացնում եմ, որ ՔՊ վարչության որոշմամբ իմ թեկնածությունը չեղարկվել է: Հետևաբար ես չեմ մասնակցելու առաջիկա ընտրություններին, որպես պատգամավորի թեկնածու:
Սյունիքում իմ կողմից իրականացվող բոլոր նախագծերը հասցնելու եմ ավարտին մինչ իմ պաշտոնավարման ավարտը»:
Դավիթ Դանիելյանը ՔՊ թեկնածուների 28-րդ հորիզոնականում էր` 402 ձայնով։ Ըստ «Առավոտի» տեղեկությունների, նրա ստացած քվեները կասկած էին հարուցել ՔՊ-ականների շրջանում։ Պարզվել էր, որ Դանիելյանը մտերիմներին հորդորել էր քվեարկել իր օգտին, ինչը քարոզչության այս փուլում չէր կարելի՝ Փաշինյանը հրահանգել էր, որ ոչ մեկին չասեն քվեարկել այս կամ այն թեկնածուի օգտին։
Թեկնածուները կարող էինք իրենք իրենց քարոզել։ Առաջին 50-յակից նույն պատճառաբանությամբ զրկվել է նաեւ ԱԺ նախկին պատգամավոր Կարեն Գրիգորյանը: Նա 38-րդն էր`336 քվեով։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: