https://arm.sputniknews.ru/20260304/irann-iragvortsum-e-zvohvats-ali-khameneii-plany-ft-99474100.html
Իրանն իրագործում է զոհված Ալի Խամենեիի պլանը. FT
Իրանն իրագործում է զոհված Ալի Խամենեիի պլանը. FT
Sputnik Արմենիա
Թերթն ընդգծում է՝ Թեհրանի կարծիքով` Իրանի պատասխան հարձակումները Մերձավոր Արևելքի երկրների վրա դիտարկվում են որպես գոյատևման համար պայքար: 04.03.2026, Sputnik Արմենիա
2026-03-04T17:47+0400
2026-03-04T17:47+0400
2026-03-04T17:49+0400
թեհրան
իրանի իսլամական հանրապետություն
այաթոլլա ալի խամենեի
պարսից ծոց
https://cdn.am.sputniknews.ru/img/07e9/0b/19/96204995_0:0:1600:901_1920x0_80_0_0_3b1dee68b7f793eebcac0b796463dfcd.jpg.webp
ԵՐԵՎԱՆ, 4 մարտի – Sputnik. Իրանը սկսել է իրականացնել հանգուցյալ գերագույն հոգևոր առաջնորդ Ալի Խամենեիի ստեղծած պլանը, որն ուղղված է Մերձավոր Արևելքում քաոսի ստեղծմանը, համաշխարհային շուկաների ապակայունացմանը և ԱՄՆ-ի և Իսրայելի վրա ճնշման ուժեղացմանը: Այս մասին հայտնում է Financial Times-ը՝ հղում անելով Իրանի կառավարության աղբյուրին։Ծրագիրը ենթադրում է հարձակումներ էներգետիկ ենթակառուցվածքների և օբյեկտների վրա, որոնց վնասումը կարող է հանգեցնել տարածաշրջանի օդային տարածքում հաղորդակցության խափանումների:FT-ի տեղեկություններով՝ Խամենեին սկսել է մանրամասն պլան մշակել անցյալ տարի ԱՄՆ-ի հունիսյան հարվածներից հետո։ Իրանի աղբյուրներն ու փորձագետները հայտնում են, որ 86-ամյա այաթոլլան մահ էր սպասում ԱՄՆ-ի կամ Իսրայելի ձեռքով և ձգտում էր նահատակ դառնալ: Ըստ այդմ, չնայած թիրախավորվելու սպառնալիքին, նա ընտանիքի հետ մնաց Թեհրանի իր տանը:Թերթը հայտնում է, որ չնայած Խամենեիի և Իրանի մի շարք բարձրաստիճան ռազմական պաշտոնյաների մահվանը, պլանը կյանքի է կոչվել: FT-ն նշում է, որ այաթոլլա Ալիռեզա Արաֆին, որը մտնում է Խամենեիի մահից հետո ստեղծված երեք հոգուց բաղկացած ժամանակավոր խորհրդի կազմի մեջ, մարտի 2-ին տեսաուղերձում հայտարարել է, որ «այդ պատերազմն ընթանում է արժանապատվորեն՝ ըստ մտահղացման»։Իրանն ակտիվացրել է հարձակումները Պարսից ծոցի էներգետիկ օբյեկտների վրա՝ անօդաչու թռչող սարքերով հարվածներ հասցնելով Կատարի կարևոր գազային օբյեկտին և Սաուդյան Արաբիայի խոշոր նավթավերամշակման գործարանին: Դա ստիպել է Կատարին՝ հեղուկացված բնական գազի խոշորագույն արտահանողներից մեկին, դադարեցնել մատակարարումները։ Թերթի հաղորդմամբ՝ Հորմուզի նեղուցում, որով անցնում է համաշխարհային էներգետիկ մատակարարումների մոտ մեկ հինգերորդը, նավագնացության փաստացի արգելափակման պատճառով նավթի և գազի գները կտրուկ աճել են:«Դա կշարունակվի, իսկ էսկալացիան հետագայում էլ կլինի։ Իսկ ի՞նչ էին նրանք սպասում: Եթե նրանք թիրախավորում են Իսլամական Հանրապետության ղեկավարին, մի՞թե կարծում են, որ ոչինչ տեղի չի ունենա »,- հայտարարել է պարբերականի իրանցի զրուցակիցը։FT-ն ընդգծում է, որ Թեհրանի կարծիքով` Իրանի պատասխան հարձակումները Մերձավոր Արևելքի երկրների վրա դիտարկվում են որպես գոյատևման պայքար:
թեհրան
իրանի իսլամական հանրապետություն
պարսից ծոց
2026
Լուրեր
am_HY
https://cdn.am.sputniknews.ru/img/07e9/0b/19/96204995_101:0:1524:1067_1920x0_80_0_0_21a73ca264486b8728f23d1913efbfb4.jpg.webp
թեհրան, իրանի իսլամական հանրապետություն, այաթոլլա ալի խամենեի, պարսից ծոց
թեհրան, իրանի իսլամական հանրապետություն, այաթոլլա ալի խամենեի, պարսից ծոց
Թերթն ընդգծում է՝ Թեհրանի կարծիքով` Իրանի պատասխան հարձակումները Մերձավոր Արևելքի երկրների վրա դիտարկվում են որպես գոյատևման համար պայքար:
ԵՐԵՎԱՆ, 4 մարտի – Sputnik. Իրանը սկսել է իրականացնել հանգուցյալ գերագույն հոգևոր առաջնորդ Ալի Խամենեիի ստեղծած պլանը, որն ուղղված է Մերձավոր Արևելքում քաոսի ստեղծմանը, համաշխարհային շուկաների ապակայունացմանը և ԱՄՆ-ի և Իսրայելի վրա ճնշման ուժեղացմանը: Այս մասին հայտնում է Financial Times-ը՝ հղում անելով Իրանի կառավարության աղբյուրին։
Ծրագիրը ենթադրում է հարձակումներ էներգետիկ ենթակառուցվածքների և օբյեկտների վրա, որոնց վնասումը կարող է հանգեցնել տարածաշրջանի օդային տարածքում հաղորդակցության խափանումների:
«Մենք այլ ելք չունեինք, քան սրել իրավիճակը և կազմակերպել մեծ հրդեհ, որ բոլորը տեսնեն։ Երբ, խախտելով բոլոր միջազգային օրենքները, հատվեցին մեր կարմիր գծերը՝ մենք այլևս չէինք կարող պահպանել խաղի կանոնները», – պարզաբանել է թերթի աղբյուրը։
FT-ի տեղեկություններով՝ Խամենեին սկսել է մանրամասն պլան մշակել անցյալ տարի ԱՄՆ-ի հունիսյան հարվածներից հետո։ Իրանի աղբյուրներն ու փորձագետները հայտնում են, որ 86-ամյա այաթոլլան մահ էր սպասում ԱՄՆ-ի կամ Իսրայելի ձեռքով և ձգտում էր նահատակ դառնալ: Ըստ այդմ, չնայած թիրախավորվելու սպառնալիքին, նա ընտանիքի հետ մնաց Թեհրանի իր տանը:
Թերթը հայտնում է, որ չնայած Խամենեիի և Իրանի մի շարք բարձրաստիճան ռազմական պաշտոնյաների մահվանը, պլանը կյանքի է կոչվել: FT-ն նշում է, որ այաթոլլա Ալիռեզա Արաֆին, որը մտնում է Խամենեիի մահից հետո ստեղծված երեք հոգուց բաղկացած ժամանակավոր խորհրդի կազմի մեջ, մարտի 2-ին տեսաուղերձում հայտարարել է, որ «այդ պատերազմն ընթանում է արժանապատվորեն՝ ըստ մտահղացման»։
Իրանն ակտիվացրել է հարձակումները Պարսից ծոցի էներգետիկ օբյեկտների վրա՝ անօդաչու թռչող սարքերով հարվածներ հասցնելով Կատարի կարևոր գազային օբյեկտին և Սաուդյան Արաբիայի խոշոր նավթավերամշակման գործարանին: Դա ստիպել է Կատարին՝ հեղուկացված բնական գազի խոշորագույն արտահանողներից մեկին, դադարեցնել մատակարարումները։ Թերթի հաղորդմամբ՝ Հորմուզի նեղուցում, որով անցնում է համաշխարհային էներգետիկ մատակարարումների մոտ մեկ հինգերորդը, նավագնացության փաստացի արգելափակման պատճառով նավթի և գազի գները կտրուկ աճել են:
«Դա կշարունակվի, իսկ էսկալացիան հետագայում էլ կլինի։ Իսկ ի՞նչ էին նրանք սպասում: Եթե նրանք թիրախավորում են Իսլամական Հանրապետության ղեկավարին, մի՞թե կարծում են, որ ոչինչ տեղի չի ունենա »,- հայտարարել է պարբերականի իրանցի զրուցակիցը։
FT-ն ընդգծում է, որ Թեհրանի կարծիքով` Իրանի պատասխան հարձակումները Մերձավոր Արևելքի երկրների վրա դիտարկվում են որպես գոյատևման պայքար: