Ազգային բարերար Սամվել Կարապետյանի հետ Գորիսում շատերը հույսեր են կապում, հարցախույզի ժամանակ քաղաքացիները դրական են արտահայտվում նրա հասցեին: «Սամվել Կարապետյանը Հայաստանում չի հարստացել, Ռուսաստանում է հարստացել…Մեզանից ոչ գողություն է արել, ոչ էլ: Այդ մարդը Հայաստանի համար շատ բան է արել՝ տներ է սարքել, շենքեր է սարքել …Էն դեպուտատն ո՞վ էր, որ ասում էր ներողություն կխնդրեմ, կարող է շան նման էլ հաչամ…Սամվել Կարապետյանը մեր գյուղում այսքան տներ է կառուցել, դե թող հաչա, ինչու չի հաչում, որովհետեւ իրենք սուտասաններ են»,-ասաց սյունեցիներից մեկը:
«Սամվել Կարապետյանին ամենասխալ ձեւով կալանավորեցին, էդ մարդն ի՞նչ է ասել, ասել է՝ մեր ձեւով եկեղեցին կպաշպանենք…Ով որ էդ մասին խոսում է, կալանավորում են, դե թող տեղս իմանան, գան ինձ էլ կալանավորեն»,-ասում է մեկ ուրիշ գորիսեցի:
«Ինչի՞ նման է այդպիսի մարդկանց կալանավորելը, մարդն ամեն ինչ անում է ժողովրդի համար, եթե ուզի, ամենալավն ինքը կապրի, բայց ամեն ինչ անում է ժողովրդի համար…Ժողովրդի մեջ պետք չէ թշնամություն սերմանել, ախր մեկը մյուսին կրծելով ուր են հասնելու»,-կարծում է գորիսեցի տղամարդը:
Մեկի համոզմամբ, հիմա գուցե փոշմանել են, որ Սամվել Կարապետյանին կալանավորել են. «Երեւի իրենք էլ են փոշմանել, բայց հետդարձ չեն կարող անել: Ինչպե՞ս կարելի է՝ մարդը եկեղեցու հանդեպ բարերարություն անի, տանեն կալանքի»:
Մանրամասն՝ տեսանյութում
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: