ԱՄՆ նախագահի հատուկ դեսպանորդ Սթիվեն Ուիթքոֆի խոսքով՝ Իրանի հետ փետրվարի վերջին կայացած բանակցությունների երրորդ փուլի ավարտին պարզ էր դարձել, որ համաձայնագրի հասնելն անհնար է։ «Լիովին պարզ էր, որ դա անհնար է լինելու, հավանաբար դեռ երկրորդ հանդիպման ավարտին, բայց հետո մենք վերադարձանք երրորդ հանդիպմանը՝ վերջին փորձը կատարելու»,- ասել է նա Fox News-ի եթերում մարտի 2-ին։
Ուիթքոֆը խոսել է իրանական պատվիրակության հետ մի շարք հանդիպումներից, որոնք նա ունեցել է Ժնևում՝ ԱՄՆ նախագահ Դոնալդ Թրամփի հանձնարարությամբ, Իրանի միջուկային ծրագրի վերաբերյալ համաձայնության հասնելու փորձի շրջանակներում:
Նրա խոսքով՝ ամերիկյան պատվիրակությունը իրանցիներին առաջարկել է ուրանի հարստացման գործընթացում տասը տարվա ընդմիջում՝ ԱՄՆ-ի կողմից իրանական էներգիայի գնման դիմաց։