Իրանի նոր ղեկավարությունը Միացյալ Նահանգներին առաջարկել է բանակցություններ վարել, ասել է ԱՄՆ նախագահ Դոնալդ Թրամփը The Atlantic-ին։
«Նրանք ուզում են խոսել, և ես համաձայնել եմ խոսել, ուստի ես պատրաստվում եմ խոսել նրանց հետ։ Նրանք պետք է դա անեին ավելի շուտ։ Նրանք պետք է առաջարկեին մի բան, որը շատ գործնական կլիներ և հեշտ կլիներ ավելի շուտ անել։ Նրանք չափազանց երկար են սպասել», – ասել է Թրամփը։
ԱՄՆ նախագահը հրաժարվել է պատասխանել այն հարցին, թե արդյոք բանակցությունները տեղի կունենան մարտի 1-ին կամ 2-ին։ Նա պարզաբանել է, որ վերջին շաբաթներին ԱՄՆ-ի հետ բանակցություններին մասնակցած Իրանի որոշ ներկայացուցիչներ արդեն մահացել են։ Հանրապետականը ընդգծել է, որ Թեհրանը պետք է «դա ավելի շուտ աներ»։
«Նրանք կարող էին գործարք կնքել։ Նրանք պետք է դա ավելի շուտ անեին։ Նրանք չափազանց խորամանկ էին», – բացատրել է Թրամփը։