Ընտրությանը մասնակցելու ձևաչափը պարզ կլինի Ծառուկյանի ծրագիրը քննարկելուց հետո. Սարգսյան

by

https://arm.sputniknews.ru/20260227/yntrutjany-masnakcelu-dzevachapy-parz-klini-tsarukjani-tsragiry-qnnarkeluc-hetvo-sargsjan-99273868.html

media@sputniknews.com

+74956456601

MIA „Rossiya Segodnya“

2026

Sputnik Արմենիա

media@sputniknews.com

+74956456601

MIA „Rossiya Segodnya“

Լուրեր

am_HY

Sputnik Արմենիա

media@sputniknews.com

+74956456601

MIA „Rossiya Segodnya“

https://cdn.am.sputniknews.ru/img/07ea/02/0a/98643639_125:0:1458:1000_1920x0_80_0_0_1cfcbfbde1397ebab5466eb1bf4c85ff.jpg.webp

Sputnik Արմենիա

media@sputniknews.com

+74956456601

MIA „Rossiya Segodnya“

արամ սարգսյան, գագիկ ծառուկյան, ազգային ժողովի ընտրություններ, «առաջարկ հայաստանին» ծրագիր

արամ սարգսյան, գագիկ ծառուկյան, ազգային ժողովի ընտրություններ, «առաջարկ հայաստանին» ծրագիր

Բաժանորդագրվել

Հայաստանի դեմոկրատական կուսակցության նախագահը Sputnik Արմենիային հայտնել է, որ «Միասին» այլընտրանքային հասարակական-քաղաքական շարժման և Գագիկ Ծառուկյանի համագործակցությունն այս պահին բացառապես «Առաջարկ Հայաստանին» ծրագրի շուրջ է։

ԵՐԵՎԱՆ, 27 փետրվարի – Sputnik. Ոչ թե առաջնորդը՝ թիմով, այլ թիմը՝ առաջնորդով. «Միասին» այլընտրանքային հասարակական-քաղաքական շարժման համակարգող խորհրդի անդամ, Հայաստանի դեմոկրատական կուսակցության նախագահ Արամ Սարգսյանը Sputnik Արմենիայի հետ զրույցում այսպես է բնորոշել Գագիկ Ծառուկյանի նախաձեռնած «Առաջարկ Հայաստանին» ծրագրին միանալու գաղափարը։

Նշենք` «Միասին» այլընտրանքային հասարակական-քաղաքական շարժման համակարգող խորհուրդը փետրվարի 27–ին հայտարարել է, որ լիակատար աջակցություն է հայտնում Գագիկ Ծառուկյանի «Առաջարկ Հայաստանին» ծրագրին։

«Այսինքն, եթե դուք նորից հույս եք դնում, որ մի մարդ կգա` ինքն իր թիմով և նույն այդ լիազորություններով, որ այսօր ունի վարչապետի պաշտոնը զբաղեցնող մարդը, ապա ոչինչ չի փոխվի։ Պետք է լինի համախմբում ծրագրի շուրջ, և կապ չունի արդեն, թե ով որ կուսակցությունից է։ Այդ կազմը պետք է պատասխանատվություն վերցնի ապագա կառավարման համար։ Ես չեմ կարծում, որ մենք հիմա պետք է պայքարենք 5 մանդատ ունենանք, թե 10, դրանով հարց չի լուծվելու մեր երկրի համար։ Մենք պետք է մտածենք, թե ինչպես ենք փոխելու այս կառավարման համակարգը, որը անընդունելի է Հայաստանի Հանրապետության ապագայի համար»,– ասաց Սարգսյանը։

Նրա խոսքով` այս պահին Ծառուկյանի հետ իրենց համագործակցությունը բացառապես ծրագրի շուրջ է, և հիմա համատեղ քննարկումների փուլում են։ Ընդ որում, առաջին քննարկումն արդեն կայացել է, շուտով կհրավիրվի նաև երկրորդը։

«Մենք հրավիրել ենք ոչ թե կուսակցության անդամի, այլ տվյալ կուսակցության փորձագետի։ Շատ կարևոր է, որ նա լինի մասնագետ, տիրապետի առարկային, որպեսզի կարողանա իր կողմից էլ առաջարկ անել»,– պարզաբանեց ՀԴԿ նախագահը։

Նշեց` առաջին քննարկումը վերաբերել է «Առաջարկ Հայաստանին» ծրագրի սոցիալական և տնտեսական բլոկին, երկրորդ հանդիպմանը նախատեսվում է քննարկել կրթության, գիտության և առողջապահության ոլորտները։ Բոլոր հարցերը քննարկելուց հետո մասնակիցների ներկայացրած առաջարկները համակարգվելու և ներկայացվելու են նախաձեռնողին։

Արամ Սարգսյանի խոսքով` ծրագրի և առաջարկների ամբողջական քննարկումից ու լրամշակված ծրագրի ընդունումից հետո միայն դրա շուրջ համախմբված ուժերը կանցնեն ընտրություններին մասնակցելու ձևաչափի քննարկմանը։

Հիշեցնենք` փետրվարի 10-ին ԲՀԿ առաջնորդ Գագիկ Ծառուկյանը հրապարակեց իր «Առաջարկ Հայաստանին» նախընտրական ծրագիրը։ Նրա խոսքով` դա քաղաքական, հանրային Նոյյան տապան է լինելու, որտեղ կհավաքվեն բոլոր հետաքրքիր առաջարկները, լուծումները, և որտեղ կուսակցական պատկանելությունը ոչ մի նշանակություն չունի։

Հավելենք, որ ՀՀ–ում խորհրդարանական ընտրությունները նախատեսված են 2026–ի հունիսի 7–ին։

Leave a comment