Հունգարիայի վարչապետ Վիկտոր Օրբանը և Սլովակիայի վարչապետ Ռոբերտ Ֆիցոն որոշել են ստեղծել համատեղ հետաքննական հանձնաժողով՝ Ուկրաինա ուղարկելու համար, որը կգնահատի «Դրուժբա» նավթամուղի տեխնիկական վիճակը։ Այս նախաձեռնությունը նպատակ ունի պարզաբանելու նավթամուղի աշխատանքների դադարեցման պատճառները, որոնք, ըստ կողմերի, պայմանավորված են քաղաքական որոշումներով, ոչ թե տեխնիկական խնդիրներով։ Օրբանը Ֆեյսբուքում կոչ է արել Ուկրաինայի նախագահ Վլադիմիր Զելենսկիին թույլ տալ հունգարական և սլովակական փորձագետների մուտքը՝ արագ վերսկսելու համար նավթամուղի աշխատանքները։
Հիշեցնենք, որ Հունգարիան դադարեցրել էր դիզելային վառելիքի մատակարարումները Ուկրաինա այն պատճառով, որ այդ երկիրը հունվարի 27-ից իր տարածքով անցնող ռուսական նավթի մատակարարումը «Դրուժբա» նավթամուղով դադարեցրել էր ինչպես Հունգարիա, այնպես էլ Սլովակիա։ Հունգարիայի արտգործնախարար Պետեր Սիյարտոն սա անվանել էր Ուկրաինայի կողմից քաղաքական շանտաժ։