Հայաստանի և Լեհաստանի միջև ռազմատեխնիկական ոլորտում համագործակցության վերաբերյալ համաձայնագիր է ստորագրվել Վարշավայում։ Հանդիպմանը մասնակցել են Հայաստանի ԱԳ նախարար Արարատ Միրզոյանը և Լեհաստանի ազգային պաշտպանության նախարար Վլադիսլավ Կոշինյակ-Կամիշը՝ Հայաստանի և Լեհաստանի վարչապետների ներկայությամբ։ Համաձայնագիրը ստորագրվել է վարչապետ Նիկոլ Փաշինյանի և Լեհաստանի վարչապետ Դոնալդ Տուսկի հանդիպումից հետո։ Երկու կողմերն էլ պատրաստակամություն են հայտնել զարգացնել ռազմատեխնիկական և տնտեսական ոլորտներում համագործակցությունը՝ ի շահ իրենց քաղաքացիների և տարածաշրջանի խաղաղության։