Ռուս մարտիկ Ալեքսանդր Սինեշչուկը ծանր վնասվածք է ստացել Կրասնոդարում կայացած խառը մենամարտերի (ММА) մրցաշարի վերջում։
Ռաուլ Ուազիրովի նկատմամբ տեխնիկական նոկաուտով հաղթանակից հետո Սինեշչուկը ցանկացել է երկրպագուներին ուրախացնել տպավորիչ սալտոյով, սակայն ոտքի կոտվածք է ստացել անհաջող վայրէջք կատարելու հետևանքով։
Դա ռուս մարտիկի նորամուտն էր խառը մենամարտերում։ Ավելի ուշ Ալեքսանդր Սինեշչուկը հայտնել է, որ այսուհետև ավելի զուսպ կտոնի հաղթանակները, հայտնում է Matchtv-ն։