Իրանը փորձում է վերականգնել իր միջուկային ծրագիրը, որը ոչնչացվել էր 2025 թվականի ամռանը, Fox News-ի հաղորդմամբ՝ ասել է ԱՄՆ պետքարտուղար Մարկո Ռուբիոն։
«Նրանց ասվել էր չփորձել վերսկսել այն [միջուկային ծրագիրը]: Եվ ահա նրանք այստեղ են: Դուք կարող եք տեսնել, թե ինչպես են նրանք անընդհատ փորձում վերականգնել դրա տարրերը»,- ասել է պետքարտուղարը։
Ռուբիոյի խոսքով՝ Իրանը «հենց հիմա» զբաղվում է հարստացմամբ և փորձում «կառուցել միջմայրցամաքային բալիստիկ հրթիռներ»։
Իր հերթին, Սպիտակ տանը տեղի ունեցած մամուլի ասուլիսի ժամանակ ԱՄՆ փոխնախագահ Ջ.Դ. Վենսը, խոսելով Իրանի կողմից «միջուկային զենք վերստեղծելու» փորձերի մասին, զգուշացրել է, որ դա «խնդիրներ կստեղծի» ԱՄՆ-ի համար։
Նա նշել է, որ ԱՄՆ վարչակազմը չի հրաժարվում Իրանի հետ շփումներից, այդ թվում՝ Ժնևում, միջուկային ծրագրի շուրջ խնդիրը դիվանագիտական ճանապարհով լուծելու համար, սակայն նրանք ունեն այլ տարբերակներ:
«Սակայն սկզբունքը շատ պարզ է. Իրանը չի կարող միջուկային զենք ունենալ»,- ընդգծել է Վենսը։