Իրանի խորհրդարանի նախագահ Մոհամադ Բաղեր Ղալիբաֆը խորհուրդ է տվել ԱՄՆ նախագահ Դոնալդ Թրամփին սխալ որոշումներ չկայացնել՝ հիմնվելով սխալ տեղեկատվության վրա։
Տնտեսական ակտիվիստների հետ հանդիպման ժամանակ Ղալիբաֆը անդրադարձել է ԱՄՆ նախագահի ելույթին Կոնգրեսում՝ երկրում ստեղծված իրավիճակի վերաբերյալ, և վերահաստատել է այն փաստը, որ Իրանը չի ձգտել, չի ձգտում և երբեք չի ձգտի միջուկային զենքի։
Ղալիբաֆը Իսրայելի վարչակարգը բնութագրել է որպես ահաբեկչության մարմնացում։ «1953 թվականի պետական հեղաշրջումից ի վեր ԱՄՆ-ն միշտ ձգտել է որոշակի ձևով ենթարկեցնել Իրանի ազգին և հետապնդել իր սեփական շահերը»,- ասել է Իրանի խորհրդարանի նախագահը։
Նա ընդգծել է, որ Միացյալ Նահանգների հարցում բոլոր տարբերակները սեղանին են, այդ թվում՝ արժանապատիվ դիվանագիտությունն ու ափսոսանք առաջացնող պատասխանը։ «Եթե դուք ընտրեք դիվանագիտական սեղան, որտեղ հարգվում են Իրանի արժանապատվությունը և փոխադարձ շահերը, մենք նույնպես կլինենք այդ սեղանի շուրջ, ինչպես որ վաղը մենք ունենք բանակցությունների երրորդ փուլը», – հայտարարել է նա։