Իրանի Իսլամական Հանրապետություն կատարած պաշտոնական այցի շրջանակում պաշտպանության նախարար Սուրեն Պապիկյանը հանդիպել է ԻԻՀ պաշտպանության և զինված ուժերի աջակցման նախարար, բրիգադի գեներալ Ազիզ Նասիրզադեի հետ։ Այս մասին նախարարը հայտնել է իր սոցիալական էջերում։
Հանդիպմանը մասնակցել է նաև ԻԻՀ-ում ՀՀ արտակարգ և լիազոր դեսպան Գրիգոր Հակոբյանը։
«Բարձր ենք գնահատել պաշտպանության բնագավառում Հայաստան-Իրան համագործակցության մակարդակը, հաստատակամություն հայտնել շարունակել աշխատանքները երկկողմ հարաբերությունների զարգացման ուղղությամբ, ինչպես նաև քննարկել ենք փոխգործակցությանը վերաբերող մի շարք հարցեր:
Նաև մտքեր ենք փոխանակել տարածաշրջանային ու միջազգային անվտանգությանն առնչվող մի շարք հարցերի վերաբերյալ»,- հայտնել է նախարարը:
Պաշտպանության նախարար Սուրեն Պապիկյանը պաշտոնական այցով Իրան է ժամանել փետրվարի 23-ին։
The post Հայաստանի և Իրանի պաշտպանության նախարարները փոխգործակցության հարցեր են քննարկել appeared first on CIVILNET.