Մեծ Բրիտանիայի թագավոր Չարլզ III-ը իրավապահ մարմիններին թույլատրել է հասանելիություն փաստաթղթերին՝ իր եղբոր՝ Էնդրյու Մաունթբաթեն-Վինձորի և Ջեֆրի Էպշտեյնի կապերը հետաքննելու համար, հաղորդում է բրիտանական Observer հրատարակությունը՝ հղում անելով աղբյուրներին։
«Թագավորը Բուքինգհեմյան պալատի աշխատակիցներին թույլտվություն է տվել բացել փաստաթղթերն ու գրառումները Էնդրյու Մաունթբաթեն-Վինձորի գործով հետաքննություն իրականացնող ոստիկանության համար», – ասվում է հրատարակության մեջ՝ հղում անելով աղբյուրներին։
Հրատարակության աղբյուրների համաձայն, քննիչները հասանելիություն կստանան նախկին արքայազնի՝ որպես վաճառքի ներկայացուցչի աշխատանքին վերաբերող փաստաթղթերին, էլեկտրոնային նամակներին և գրառումներին։
Հինգշաբթի օրը նախկին արքայազն Էնդրյուն ձերբակալվել էր ոստիկանության կողմից Էպշտեյնի հետ կապված և ազատ արձակվել մոտ 12 ժամ կալանքի տակ անցկացնելուց հետո։ Նա կասկածվում է պաշտոնեական լիազորությունների չարաշահման մեջ՝ այն մասին հաղորդագրություններից հետո, որ որպես առևտրային ներկայացուցիչ աշխատելիս նա գաղտնի կերպով կառավարական փաստաթղթեր է ուղարկել Էպշտեյնին։