Իրանը մտադիր է երկու-երեք օրվա ընթացքում պատրաստել ԱՄՆ-ի հետ հնարավոր միջուկային համաձայնագրի նախագիծը: Այս մասին ասել է Իրանի ԱԳՆ ղեկավար Աբբաս Արաղչին ամերիկյան MSNBC-ի հետ հարցազրույցում՝ ընդգծելով, որ մշտական կապի մեջ է ԱԷՄԳ տնօրեն Ռաֆայել Գրոսսիի հետ։
«Այն, ինչի շուրջ հիմա խոսում ենք, այն է, թե ինչպես համոզվել, որ Իրանի միջուկային ծրագիրը, այդ թվում՝ հարստացումը, խաղաղ բնույթ է կրում և միշտ կմնա խաղաղ»,- «Ինտերֆաքս»-ի հաողրդմամբ՝ ասել է Իրանի նախարարը։
Ավելի վաղ ԱՄՆ նախագահը չէր բացառել, որ քննարկում է Իրանի նկատմամբ ռազմական գործողությունների մի շարք։ Դոնալդ Թրամփը զգուշացրել էր, որ Իրանի հետ «շատ վատ բաներ կարող են տեղի ունենալ», եթե համաձայնագիրը ձեռք չբերվի։
«Ազատություն»
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: