https://arm.sputniknews.ru/20260220/iranin-harvatselu-vorvoshumy-kakhvats-e-nvor-handipman-ardjunqic-zlm-99040867.html
Իրանին հարվածելու որոշումը կախված է նոր հանդիպման արդյունքից. ԶԼՄ
Իրանին հարվածելու որոշումը կախված է նոր հանդիպման արդյունքից. ԶԼՄ
Sputnik Արմենիա
ԱՄՆ նախագահը երեկ հայտարարեց, որ Իրանի հետ գործարքի հարցում հստակություն կարող է լինել առաջիկա 10 օրվա ընթացքում։ 20.02.2026, Sputnik Արմենիա
2026-02-20T13:41+0400
2026-02-20T13:41+0400
2026-02-20T13:41+0400
ամն
իրանի իսլամական հանրապետություն
միջուկային ծրագիր
https://cdn.am.sputniknews.ru/img/07ea/02/06/98521015_0:0:1281:721_1920x0_80_0_0_3bcb1a73b284fe3f70490486919eb69a.jpg.webp
ԵՐԵՎԱՆ, 20 փետրվարի – Sputnik. Իրանին ԱՄՆ-ի հնարավոր ռազմական հարվածի հետհաշվարկը կարող է սկսվել պատվիրակությունների հերթական հանդիպումից հետո։ Այս մասին հայտնում է ՌԻԱ Նովոստին` հղում անելով թուրքական ԶԼՄ–ներին։Ինչպես երեկ հայտնել էր «Wall Street Journal»-ը, ԱՄՆ նախագահ Դոնալդ Թրամփը դիտարկում է Իրանի ռազմական և կառավարական օբյեկտներին սահմանափակ նախնական հարված հասցնելու հարցը, որպեսզի ստիպի Իրանին միջուկային գործարք կնքել, և եթե Իրանի իշխանությունները դրանից հետո չհամաձայնեն ուրանի հարստացումը դադարեցնելու պահանջներին, ԱՄՆ-ն լայնածավալ ռազմական արշավով կպատասխանի։Միևնույն ժամանակ, ինչպես նշում է թերթը, ԱՄՆ-ն պետք է ավարտի տարածաշրջանում ռազմական ներկայության ընդլայնումը։ Դրանից հետո իրադարձությունների որոշակի զարգացման պարագայում կարող է հետհաշվարկ սկսվել։Հիշեցնենք` իրանական միջուկային խնդրի շուրջ իրանա-ամերիկյան բանակցությունների երկրորդ փուլը (Օմանի միջնորդությամբ) տեղի է ունեցել փետրվարի 17-ին Ժնևում: Բանակցություններից հետո Արաղչին հայտարարել է, որ Թեհրանն ու Վաշինգտոնը կաշխատեն այն տեքստերի վրա, որոնք կարող են դրվել հնարավոր պայմանավորվածության հիմքում:Թրամփը հոգնել է Իրանից, ռազմական գործողության հավանականությունը 90% է. ԶԼՄՓետրվարի 19-ին ԱՄՆ նախագահ Դոնալդ Թրամփը, ելույթ ունենալով Խաղաղության խորհրդի նիստում, հայտարարեց, որ Իրանի հետ գործարքի հարցում հստակություն կարող է լինել առաջիկա 10 օրվա ընթացքում: Միևնույն ժամանակ նա զգուշացրեց` կարող են շատ վատ բաներ լինել, եթե Թեհրանը չհամաձայնի գործարքին։
ամն
իրանի իսլամական հանրապետություն
2026
Լուրեր
am_HY
https://cdn.am.sputniknews.ru/img/07ea/02/06/98521015_0:0:1249:937_1920x0_80_0_0_b152e37228eae05d549b7f2452ff95d5.jpg.webp
ամն, իրանի իսլամական հանրապետություն, միջուկային ծրագիր
ամն, իրանի իսլամական հանրապետություն, միջուկային ծրագիր
ԱՄՆ նախագահը երեկ հայտարարեց, որ Իրանի հետ գործարքի հարցում հստակություն կարող է լինել առաջիկա 10 օրվա ընթացքում։
Ինչպես երեկ հայտնել էր «Wall Street Journal»-ը, ԱՄՆ նախագահ Դոնալդ Թրամփը դիտարկում է Իրանի ռազմական և կառավարական օբյեկտներին սահմանափակ նախնական հարված հասցնելու հարցը, որպեսզի ստիպի Իրանին միջուկային գործարք կնքել, և եթե Իրանի իշխանությունները դրանից հետո չհամաձայնեն ուրանի հարստացումը դադարեցնելու պահանջներին, ԱՄՆ-ն լայնածավալ ռազմական արշավով կպատասխանի։
«Առանցքային կլինի առաջիկա հանդիպումը, երբ Վաշինգտոնն ու Թեհրանը կներկայացնեն իրենց առաջարկները։ Հենց այդ հանդիպման արդյունքները կարող են ազդել իրավիճակի հետագա զարգացման վրա», – գրում է թուրքական թերթը։
Միևնույն ժամանակ, ինչպես նշում է թերթը, ԱՄՆ-ն պետք է ավարտի տարածաշրջանում ռազմական ներկայության ընդլայնումը։ Դրանից հետո իրադարձությունների որոշակի զարգացման պարագայում կարող է հետհաշվարկ սկսվել։
Հիշեցնենք` իրանական միջուկային խնդրի շուրջ իրանա-ամերիկյան բանակցությունների երկրորդ փուլը (Օմանի միջնորդությամբ) տեղի է ունեցել փետրվարի 17-ին Ժնևում: Բանակցություններից հետո Արաղչին հայտարարել է, որ Թեհրանն ու Վաշինգտոնը կաշխատեն այն տեքստերի վրա, որոնք կարող են դրվել հնարավոր պայմանավորվածության հիմքում: