Ռուսաստանը մշակելու է միգրացիոն ռիսկերի կառավարման համակարգ՝ արհեստական բանականության կիրառմամբ
Բաժանորդագրվեք Zarkerak.am-ի տելեգրամ ալիքին։
Ռուսաստանը պատրաստվում է արհեստական բանականությունը կիրառել միգրացիոն ոլորտում ռիսկերի կառավարման համար։ Այս դրույթը ներառված է Ռուսաստանի կառավարության որոշման մեջ, հայտնում է ՏԱՍՍ-ը։
Երկրի իշխանությունները նախատեսում են ստեղծել համապատասխան տեղեկատվական համակարգ։ Այն նախատեսվում է իրականացնել մինչև դեկտեմբերի 10-ը, իսկ պատասխանատու մարմին է նշված Ռուսաստանի ներքին գործերի նախարարությունը։ Աշխատանքի արդյունքներով պետք է պատրաստվի զեկույց և ներկայացվի կառավարությանը։
Այլ միջոցառումների թվում են՝ միգրացիոն ոլորտում իրավիճակային կառավարման համակարգի ձևավորումը, համացանցում անօրինական ծառայություններ և օտարերկրացիների համար կեղծ փաստաթղթեր առաջարկող ռեսուրսների որոնման և արգելափակման մեխանիզմների զարգացումը։