Բաժանորդագրվեք araratnews-ի տելեգրամ ալիքին։
Ռուսաստանի նախագահի մամուլի քարտուղար Դմիտրի Պեսկովը հայտարարել է, որ ո՛չ Ռուսաստանը, ո՛չ էլ Չինաստանը միջուկային փորձարկումներ չեն անցկացրել։
Նա մեկնաբանել է ԱՄՆ-ի պնդումները Չինաստանում և Ռուսաստանում միջուկային փորձարկումների ենթադրյալ անցկացման մասին։
«Մենք լսել ենք բազմաթիվ հղումներ որոշակի փորձարկումների մասին։ Հիշատակվել են Ռուսաստանը և Չինաստանը։ Ո՛չ Ռուսաստանը, ո՛չ էլ Չինաստանը որևէ միջուկային փորձարկում չեն անցկացրել», – ասել է Պեսկովը։
Ավելի վաղ ԱՄՆ պետքարտուղարի՝ զենքի վերահսկման և միջազգային անվտանգության հարցերով տեղակալը հայտարարել էր, որ կառավարությունը տեղեկություններ ունի այն մասին, որ Չինաստանը, ենթադրաբար, միջուկային պայթուցիկ նյութերի փորձարկումներ է անցկացրել՝ խախտելով մորատորիումը և փորձելով այն թաքցնել։