«Իրավունք» թերթը գրում է. «ՔՊ-ական Հայկ Սարգսյանը վախի մթնոլորտում է պահում ողջ կուսակցությանը։ Մասնավորապես, ՔՊ-ական ակտիվիստների խոսքերով, թեեւ Նիկոլն ամեն ինչ արեց, որ Ալենի սրտով լինի ու Հայկին զրկեց քարտ բլանշի հնարավորությունից, բայց վերջինս շարունակում է, որպես դամոկլյան սուր կախված մնալ ՔՊ վերնախավի վրա։
Մասնավորապես, նույն լուրերի համաձայն, Փաշինյանը ամեն բան անում է, որ Հայկին լավով հրաժեշտ տա, բայց Հայկը անդրդվելի է, նա Նիկոլին հասկացրել է, որ չի մարսելու իրեն ցուցակը չմտցնելու համար․ «անձամբ Փաշինյանը չի մարսելու ինձ հետ այսպես վարվելու համար»,-նեղ կռուգում սրտնեղել է Հայկը։
«Հրապարակ»․ թերթը գրում է. Փետրվարի 13-15-ը «Քաղաքացիական պայմանագիր» կուսակցությունը ընտրական ցուցակի ներքին քվեարկություն էր անցկացնում կուսակցութjան 1000-ի չափ պատվիրակները փակ, գաղտնի քվեարկությամբ որոշեցին ընտրացուցակում ընդգրկված թեկնածուների տեղերը 280 նախապես ընտրված անձանց միջեւ։ Չնայած սա դեռ վերջնականը չի, մի փուլ է սպասվում այս անգամ առաջին 50 անձի մեջ են նորից քվեարկություն անելու, բայց ուշագրավ արդյունքներն են գրանցվել, որոնցից ՔՊ-ում մեծ դժգոհություն կա, որովհետեւ, ըստ ՔՊ-ականների, հավաքած ձայները չեն արտացոլում թեկնածուների իրական ռեյտինգը, այլ ձեւավորվել են տարբեր ուղղորդումների, «տասովկաների» արդյունքում:
Ասել-խոսելու թեմա է դարձել Ցուցակի 42-րդ և 46-րդ տեղում հայտնված իջևանցի եղբայրների Նիկոլ Փաշինյանի դասընկեր, նրա ամուսնության քավոր, Տավուշի մարզպետ Հայկ Ղալումյանի եւ նրա եղբոր ԱԺ մշտական հանձնաժողովի նախագահ Վահե Ղալումյանի գրաված տեղը։ Հայկ Ղալումյանը ստացել է 308, Վահե Ղալումյանը՝ 298 քվե, որը բավականին բարձր արդյունք է համարվում։ Ճիշտ է նրանք 2018 թվականից իշխանության մեջ են, զբաղվում են քաղաքականությամբ, Նիկոլ Փաշինյանի քաղաքական համախոհներն են, սակայն սիրված չեն ոչ իրենց մարզում, ոչ ՔՊ թիմում եւ խիստ անհավանական են համարում, որ կարող էին ինքնուրույնաբար այսքան ձայն ստանալ:
Այնքան ցածր է եղբայրների ռեյտինգը, որ տեւական ժամանակ Հայկ Ղալումյանին պատրաստում էին, որ խոշորացված համայնքի ղեկավար դարձնեն, սակայն երկար տարիներ ԺՊ աշխատելուց հետո հասկացան, որ նրան հնարավոր չէ ընտրությամբ անցկացնել, ուստի Նիկոլ Փաշինյանը նրան ուղղակի իր հրամանով մարզպետ նշանակեց: Իջևանում եղբայրներին ճանաչողները վստահ են, որ իշխող կուսակցության նախընտրական ցուցակի անցողիկ տեղերում նրանց հայտնվելը եւս Նիկոլ Փաշինյանի ցանկությամբ եւ ուղղորդմամբ է եղել: Ի դեպ, եղբայրներն այն քչերից են, ում Փաշինյանը վստահում է: