Զախարովան Չինաստանի բնակիչներին Գարնան տոնի առթիվ շնորհավորել է չինարենով

Բաժանորդագրվել

ՌԴ ԱԳՆ պաշտոնական ներկայացուցիչը նշել է, որ Մոսկվան արդեն երրորդ անգամ հանդես կգա որպես չինական Նոր տարվա մեծ տոնակատարության հարթակ:

ԵՐԵՎԱՆ, 16 փետրվարի – Sputnik. ՌԴ ԱԳՆ պաշտոնական ներկայացուցիչ Մարիա Զախարովան իր տելեգրամյան ալիքում հրապարակել է ՉԺՀ բնակիչներին ուղղված տեսաուղերձ, որտեղ չինարենով շնորհավորել է գալիք Գարնան տոնի կապակցությամբ:

«Սիրելի՛ չինացի ընկերներ, Ձիու տարվա մուտքն արդեն մոտ է։ Սրտանց շնորհավորում եմ բոլորիդ Գարնան տոնի կապակցությամբ: Մաղթում եմ, որ նոր տարում դուք լցված լինեք էներգիայով, որ ամեն ինչում առաջինը լինեք, որպեսզի հաջողությունն ակնթարթային այցելի ձեզ», – իր տեսաուղերձում չինարենով ասել Է Զախարովան։

ՌԴ ԱԳՆ պաշտոնական ներկայացուցիչը նաև նշել է, որ Մոսկվան արդեն երրորդ անգամ հանդես կգա որպես չինական Նոր տարվա մեծ տոնակատարության հարթակ և հավելել, որ դրան զուգահեռ՝ Պեկինում կանցկացվեն ռուսական Բարեկենդանի տոնակատարությունները:

«Հրավիրում եմ ձեզ Մոսկվայում չինական Նոր տարվա և Պեկինում Բարեկենդանի տոնակատարություններին», – նույնպես չինարենով հավելել է Զախարովան:

2026 թվականի չինական Նոր տարին սկսվում է փետրվարի 17-ին։ Արևելյան տոնացույցի համաձայն՝ այն կրակոտ Ձիու տարի է։ Տոնակատարությունը տևում է մինչև Լապտերների տոնը (2026 թվականի մարտի 3), իսկ տարվա ավարտը կլինի 2027 թվականի փետրվարի 5-ին։

Leave a comment