Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ

«Երևանը ո՛չ ռոք է, ո՛չ ռաբիս. այն ավելի շատ ջազ է, լավ կլիներ՝ մեր քաղաքում ռոք ավելի շատ հնչեր։ Սրճարաններից հնչող երաժշտությունն ինձ հիմնականում դուր չի գալիս, հաճախ լսում եմ AI-ով գեներացված երգեր, որոնցում հոգի չկա, իսկ արվեստը պահանջում է մարդու ներկայություն»,- Factor TV-ի հետ զրույցում նշում է «Սևագիր»ռոք խմբի վոկալիստ Էմ Կալմուխյանը։

Հարցին, թե, առհասարակ, ինչպիսին է այսօր Երևանը, երգիչը պատասխանում է․ «Այսօրվա Երևանն ագրեսիվ քաղաք է, նախ՝ մենք ենք փոխվել, և դրան զուգահեռ Երևանն է փոխվել»:

Էմի խոսքով՝ արվեստի մարդը չի կարող անտարբեր անցնել երկրում տեղի ունեցող իրադարձությունների, սոցիալական մի շարք խնդիրների կողքով․ «Ռոքը ժանր է, որը ենթադրում է տեքստերում սուր իմաստներ, կան մի շարք թեմաներ, որոնք մեզ անհանգստացնում են, գլխավորներից մեկը թմրանյութերի հասանելի լինելն է երիտասարդներին, դրա մասին երգ ունենք, կոչվում է «Թույներ», առհասարակ, երկրի ընդհանուր մթնոլորտն ազդեցություն ունի մեր երգերի վրա»:

Երգչի հետ զրուցել ենք նաև ընդհատակում գործող արտիստների մասին․ «Մեզ «լեյբըլներ»են պետք, որոնք կհավաքագրեն տաղանդաշատ մարդկանց, կզբաղվեն նրանցով, դեռ նման մասշտաբային ներդրումներ մեր երկրում չկան, բենդերն իրենք են զբաղվում իրենց առաջխաղացմամբ»:

Մանրամասները՝ տեսանյութում։

Աննա Բաբաջանյան

Leave a comment