«Սևան» ազգային պարկի տարածքում իրականացվել է ոչ թե ծառահատում, այլ ծառերի սանիտարական էտ․ պարզաբանում

Ի պատասխան «Ժողովուրդ» օրաթերթի՝ «Սևանի ափին անտառ են գլխատում․ ի՞նչ է արդարանում Սևան ազգային պարկը» վերտառությամբ հրապարակման՝ հարկ ենք համարում պարզաբանել հետևյալը․

«Սևան» ազգային պարկի տարածքում իրականացվել է ոչ թե ծառահատում, այլ ծառերի սանիտարական էտ, և դա տեղի է ունեցել դեռ ամիսներ առաջ։

Խոսքը դեռևս 1950–1960-ական թվականներին տնկված բարդիների մասին է, որոնց մի մասը գերհասուն է, թեքված, կորցրել է կենսունակությունը և վտանգ է ներկայացնում հանգստացողների ու տնտեսվարողների համար։

Տեղեկացնենք նաև, որ նախքան էտը «Սևան» ազգային պարկ» ՊՈԱԿ-ի և մասնագիտական աշխատանքային խմբերի կողմից իրականացվել են համապատասխան ուսումնասիրություններ, հաշվառման և գնահատման աշխատանքներ։

Ծառերի էտն իրականացվում է շրջակա միջավայրի նախարարության սահմանած կարգով։ Էտից հետո ծառերը ձևավորում են նոր սաղարթ, ինչի արդյունքում բարձրանում է դրանց կենսունակությունը։

ՀՀ ՇՐՋԱԿԱ ՄԻՋԱՎԱՅՐԻ ՆԱԽԱՐԱՐՈՒԹՅՈՒՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Leave a comment