Դատախազությունը հայց է ներկայացրել Արշակ Կարապետյանի դեմ՝ գույքի բռնագանձման պահանջով

«Փաստինֆո». ՀՀ գլխավոր դատախազությունը հայց է ներկայացրել՝ ՀՀ պաշտպանության նախկին նախարար Արշակ Կարապետյանի, նրա կնոջ, որդու և դստեր դեմ։ Դատախազությունը պահանջում է բռնագանձել վերջիններիս գույքը և դրամական միջոցները, որոնք, ըստ դատախազության, ապօրինի ծագում ունեն։ Հայցը դատարան մուտքագրվել է երեկ և մակագրվել Հակակոռուպցիոն դատարանի դատավոր Նարինե Ավագյանին։

Ավելի վաղ տեղեկացրել ենք, որ դատախազությունում ուսումնասիրվել է Արշակ Կարապետյանի և նրա հետ փոխկապակցված անձանց գույքի օրինականությունը։ Ուսումնասիրությունը սկսվել է 2023թ․ նոյեմբերի 16-ին։ Շուրջ երեք տարվա ուսումնասիրության արդյունքում կազմվել է ամփոփագիր, Կարապետյանը և նրա ընտանիքի անդամները նոյեմբերի 16-ին հրավիրվել էին դատախազության ապօրինի ծագման գույքի բռնագանձման վարչություն՝ ծանոթանալու գործի նյութերին, ներկայացնելու դիրքորոշում և հայտարարագիր։ Հայտնի է, որ Կարապետյանն այժմ ՀՀ-ում չէ։

Իզաբել Սահակյան

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Leave a comment