Հաջորդ ամիս նախատեսվում է իմ այցն Ադրբեջան. Ալեն Սիմոնյան
Բաժանորդագրվեք Zarkerak.am-ի տելեգրամ ալիքին։
Հայաստանի անվտանգության խորհրդի քարտուղար Ալեն Սիմոնյանը հայտնել է, որ դեկտեմբերին մեկնելու է Ադրբեջան։ Այս մասին նա ասել է լրագրողների հետ ճեպազրույցի ընթացքում՝ ընդգծելով, որ դա պատասխան այց կլինի Ադրբեջանի նախագահի օգնական Հիքմեթ Հաջիևի՝ հունիսին Հայաստան կատարած այցին։
«Տեղյակ եք, որ այս ամսվա ավարտին «Խաղաղության կամուրջ» նախաձեռնության շրջանակում Հայաստան են գալու Ադրբեջանի հասարակական կազմակերպությունների ներկայացուցիչներ։ Հաջորդ ամիս նախատեսվում է իմ այցն Ադրբեջան, բայց ոչ Բաքու։ Սա պատասխան այց կլինի Հիքմեթ Հաջիևի՝ Հայաստան կատարած այցին։ Գործակցության և տեխնիկական հարցեր ենք քննարկելու։ Հնարավոր բոլոր տեսակի հարցերը կարող են քննարկվել»,- ասել է Ալեն Սիմոնյանը։
Հիշեցնենք, որ Հիքմեթ Հաջիևը Հայաստանում եղել էր այս տարվա հունիսի 14-ին։ Այդ ժամանակ Հայաստանի անվտանգության խորհրդի քարտուղարի պաշտոնը զբաղեցնող Արմեն Գրիգորյանը և Հիքմեթ Հաջիևը Դիլիջանում քննարկել էին Հայաստանի և Ադրբեջանի միջև խաղաղության օրակարգին առնչվող հարցեր։