Ինձ հուզում է մարդը իր ճակատագրով. քանդակագործ Յուրի Պետրոսյան

Բաժանորդագրվել

Հայաստանի ազգային պատկերասրահում բացվել է «Յուրի Պետրոսյան․ Մտորումներ» ցուցահանդեսը

Ինձ ավելի շատ հուզում է մարդը՝ իր իրավիճակի մեջ, իր ճակատագրով, այսպես է «Ուրիշ նորություններում» բնութագրում իր ստեղծագործական աշխարհում կարևոր տեղ զբաղեցնող թեմաներն ու կարևոր իրադարձությունը ՀՀ ժողովրդական նկարիչ, քանդակագործ Յուրի Պետրոսյանը։

Հայաստանի ազգային պատկերասրահում բացված «Յուրի Պետրոսյան․ Մտորումներ» ցուցահանդեսը ներկայացնում է արվեստագետի ստեղծագործական երեք փուլերը՝ 1960-ականներից մինչև 2000-ականները։

Պատկերասրահի գիտական գծով տնօրենի տեղակալ Սամվել Հովհաննիսյանի խոսքով՝ ցուցադրությունում ներկայացված են ոչ միայն հայտնի քանդակները, այլև գծանկարներ, խեցեգործական աշխատանքներ և փոքր պլաստիկայի նմուշներ, որոնք բացահայտում են վարպետի արվեստի մինչ այդ քիչ հայտնի կողմերը։

«Յուրաքանչյուր մեծ ստեղծագործության հիմքում ընկած է փոքր մի աշխատանքային գործընթաց»,– ընդգծում է նա։

Պետրոսյանի ամենահայտնի գործերից են Արամ Խաչատրյանի և Հովհաննես Այվազովսկու արձանները։ Խոսելով դրանց ստեղծման մասին՝ քանդակագործը կարևորում է կերպարի ներքին էությունը փոխանցելու անհրաժեշտությունը։

Մանրամասները՝ տեսանյութում։

Leave a comment