Հուանգի համախոհները Nvidia-ի տնօրենների խորհրդին խնդրում են նրան վերադարձնել պաշտոնին

Գործարար Ջենսեն Հուանգի համախոհները փորձում են համոզել Nvidia կորպորացիայի տնօրենների խորհրդին նրան վերադարձնել գլխավոր տնօրենի պաշտոնին։ Այս մասին հայտնել է բրիտանական Financial Times թերթը՝ հղում անելով աղբյուրներին։

Թերթի տեղեկություններով՝ Սիլիկոնյան հովտի խոշոր տեխնոլոգիական ընկերությունների ղեկավարները լոբբինգ են անում՝ Հուանգին Nvidia-ի ղեկավարի պաշտոնին վերադարձնելու համար։ Նշվում է, որ գործարարները ցանկանում են այս հարցում ստանալ Սպիտակ տան աջակցությունը։ Ինքը՝ Հուանգը, աջակցում է մեկնարկած արշավին՝ չնայած նրան, որ Nvidia-ի տնօրենների խորհուրդն իր նկատմամբ հետաքննություն է անցկացնում։

Նոյեմբերի 12-ին Հուանգը հեռացել է արհեստական բանականության համար նախատեսված չիպերի համաշխարհային առաջատար արտադրող Nvidia ընկերության գլխավոր տնօրենի և նախագահի պաշտոններից, ինչպես նաև դուրս է եկել ընկերության տնօրենների խորհրդից։ Նոյեմբերի 8-ին Nvidia-ի տնօրենների խորհուրդը հայտնել էր Հուանգի նկատմամբ հետաքննություն սկսելու մասին։ Նա խոստովանել է, որ սիրային հարաբերություններ է ունեցել մի կնոջ հետ, որին կասկածում էին Չինաստանի օգտին լրտեսության մեջ։ ՉԺՀ ԱԳՆ-ն հայտարարել է, որ այդ կնոջ՝ չինական հետախուզության համար աշխատելու մասին պնդումները զրպարտություն է համարում։

NEWS.am

Leave a comment