Ռուսաստանի պաշտպանության նախարարությունը հայտնել է, որ օրվա ընթացքում հակաօդային պաշտպանության հերթապահ ուժերը Ռուսաստանի տարածաշրջանների վրա ոչնչացրել են ուկրաինական 230 անօդաչու թռչող սարք (ինքնաթիռային տիպի)։
«Օրվա ընթացքում՝ Մոսկվայի ժամանակով ժամը 08:00-ից մինչև 20:00-ն, հակաօդային պաշտպանության հերթապահ ուժերը Բելգորոդի, Բրյանսկի և Կուրսկի մարզերի, Ղրիմի Հանրապետության, ինչպես նաև Սև ծովի տարածքների վրա որսացել և ոչնչացրել են ուկրաինական 230 անօդաչու թռչող սարք (ինքնաթիռային տիպի)», – նշել են նախարարությունից։