Համերգը տեղի կունենա Կարեն Դեմիրճյանի անվան մարզահամերգային համալիրում
ԵՐԵՎԱՆ, 13 նոյեմբերի․ /Նովոստի–Արմենիա/․ Երևանում 2027 թվականի սեպտեմբերի 3-ին կկայանա Բրիտանական լեգենդար Led Zeppelin ռոք խմբի նախկին վոկալիստ Ռոբերտ Պլանտի և նրա Saving Grace խմբի համերգը ։
Այս մասին տեղեկատվությունը հրապարակվել է երգչի Facebook-յան էջում։
Համերգը տեղի կունենա Կարեն Դեմիրճյանի անվան մարզահամերգային համալիրում։
Երևանյան ելույթը կանցկացվի Root & Branch համաշխարհային շրջագայության շրջանակում։ 2027 թ.-ի օգոստոսի վերջին Պլանտը համերգներով հանդես կգա նաև Ալմաթիում և Տաշքենդում։
Բրիտանացի ռոք երաժիշտ Ռոբերտ Պլանտի Saving Grace խումբը ստեղծվել է 2019 թվականին և միավորում է ֆոլկ, բլյուզ, գոսպել, քանթրի և ավանդական ամերիկյան երաժշտության ժանրերում ստեղծագործող երաժիշտների։ Պլանտի հետ խմբում հանդես են գալիս վոկալիստ Սյուզի Դիանը, թմբկահար Օլի Ջեֆերսոնը, կիթառահար Թոնի Քելսին, մուլտիինստրումենտալիստ Մեթ Ուորլին և թավջութակահար Բարնի Մորս-Բրաունը։
2025 թվականի սեպտեմբերի 26-ին խումբը թողարկել է Saving Grace դեբյուտային ալբոմը Nonesuch Records լեյբլով։ 2026 թվականի հոկտեմբերին կայացել է չորս երգից բաղկացած Saving Grace: All That Glitters… մինի-ալբոմի թվային թողարկումը։