ԱՄՆ-ում գրանցված ՆԱՏՕ-ի հետախուզական ինքնաթիռը մոտ հինգ ժամ եղել է Ռուսաստանի Դաշնության Կալինինգրադի մարզի մերձակայքում՝ պտտվելով տարածքի շուրջ. այս մասին ՏԱՍՍ-ին հայտնել է օդային երթևեկության կառավարման ծառայությունների աղբյուրը։
««Bombardier Artemis II» հետախուզական ինքնաթիռն այս շաբաթ արդեն երրորդ անգամ է նկատվել Կալինինգրադի մարզի մոտակայքում՝ այդ տարածքում անցկացնելով մոտ հինգ ժամ», – ասել է աղբյուրը։
Ըստ աղբյուրի՝ ինքնաթիռը, որը ժամանել էր Կոնստանցայում իր մշտական բազայից, թռիչքներ է կատարել ռուսական այդ մարզի շուրջ՝ գործելով Լեհաստանի և Լիտվայի օդային տարածքում, ինչպես նաև Բալթիկ ծովի չեզոք ջրերի վրա։ Աղբյուրը նշել է, որ ինքնաթիռը թռչել է մոտ 10 կիլոմետր բարձրության վրա՝ չօգտագործելով քաղաքացիական ավիացիայի համար նախատեսված միջանցքները։
Աղբյուրը նաև հավելել է, որ 2026 թվականի սկզբից ի վեր «Bombardier Artemis II»-ը Կալինինգրադի մարզի մերձակայքում նկատվել է ավելի քան 70 անգամ։ Վերջին անգամ այն այդ տարածքում տեսել են հենց երեկ, իսկ անցած երկուշաբթի այն այնտեղ անցկացրել էր ավելի քան հինգ ժամ։