Մեսրոպ Մանուկյանի` «Կթքեմ վրեդ, այ համբալ» արտահայտությունը դարձել է ԱԺ էթիկայի հանձնաժողովի քննության առարկա

Նյութը պարունակում է վիրավորական խոսույթ։ Factor TV-ն առավել առաջնային համարելով հանրության իրազեկ լինելու իրավունքը՝ հրապարակում է  պաշտոնյաների խոսքը բառացի՝ միաժամանակ դատապարտելով ու կոչ անելով զերծ մնալ վիրավորանքից ու ատելության խոսքից։

Factor TV-ի տեղեկություններով` ԱԺ էթիկայի հանձնաժողովում քննարկվել է «Հայաստան» խմբակցության պատգամավոր Մեսրոպ Մանուկյանի հարցը: Նշենք, որ շուրջ մեկ ժամ առաջ հանձնաժողովը նիստ էր հրավիրել: Նիստի նախաձեռնման պատճառը եղել է Մեսրոպ Մանուկյանի կողմից Աջափնյակի թաղապետին ուղղված «Կթքեմ վրեդ, այ համբալ» արտահայտությունը: Միջադեպը տեղի է ունեցել ավելի քան մեկ ամիս առաջ Շինարարների փողոցի կրպակների ապամոնտաժման ժամանակ:

Հայտնի չէ, թե հանձնաժողովն այս հարցով ինչ որոշում կկայացնի:

Արփի Հակոբյան