Փաշինյանը Դուբլինում կմասնակցի Եվրոպական քաղաքական համայնքի 9-րդ գագաթնաժողովին

Բաժանորդագրվել

Նախորդ գագաթնաժողովն անցկացվեց մայիսին Երևանում։

ԵՐԵՎԱՆ, 11 նոյեմբերի – Sputnik․ ՀՀ վարչապետ Նիկոլ Փաշինյանը Դուբլինում կմասնակցի Եվրոպական քաղաքական համայնքի 9-րդ գագաթնաժողովին։ Այս մասին հայտնում է վարչապետի մամուլի խոսնակ Մելանյա Հարությունյանը։

Նրա խոսքով՝ Փաշինյանը նոյեմբերի 12-13-ն աշխատանքային այցով կգտնվի Իռլանդիայի Հանրապետությունում:

«Այցի ընթացքում նախատեսված են նաև վարչապետի երկկողմ հանդիպումներն արտերկրի գործընկերների հետ»,- հայտնում է վարչապետի մամուլի խոսնակը:

Հավելենք, որ գագաթնաժողովին նախատեսվում է ավելի քան 50 եվրոպական երկրների ղեկավարների, ինչպես նաև ԵՄ-ի և միջազգային կառույցների ներկայացուցիչների մասնակցություն։

Հիշեցնենք, որ ԵՔՀ նախորդ՝ 8-րդ գագաթնաժողովը կայացել էր Երևանում՝ 2026 թվականի մայիսի 4-ին։

Leave a comment