Ռուսաստանը բացառում է Ուկրաինայի հետ տարածքների որևէ փոխանակման հնարավորությունը։ Այս մասին հայտարարել է ՌԴ նախագահի օգնական, ռուսական բանակցային պատվիրակության ղեկավար Վլադիմիր Մեդինսկին։
«Տարածքների հնարավոր փոխանակման թեման պարբերաբար շրջանառության մեջ է դրվում տարբեր կողմերի կողմից։ Ես տարածքների փոխանակման որևէ հնարավորություն չեմ տեսնում։
Ուկրաինայի՝ Կուրսկի մարզ ներխուժումից հետո որոշում է կայացվել, որի մասին մեր նախագահը բազմիցս խոսել է, Ռուսաստանի Դաշնության հետ սահմանի երկայնքով անվտանգության գոտի ստեղծելու մասին։ Այժմ այդ գոտին բավականին ընդարձակ է, այն ընդլայնվում է և շարունակելու է ընդլայնվել»,- նշել է Մեդինսկին։
Հիշեցնենք՝ Ռուսաստանի, ԱՄՆ-ի և Ուկրաինայի միջև բանակցություններն անցկացվել են նոյեմբերի 10-11-ը՝ Աբու Դաբիում։