ՀՀ ՏԿԵ նախարար Դավիթ Խուդաթյանն այսօր աշխատանքային այցով Գեղարքունիքի մարզում էր։
Նախարարը մարզպետ Կարեն Սարգսյանի և Ճանապարհային դեպարտամենտի պատասխանատուների ուղեկցությամբ դիտարկել է սուբվենցիոն ծրագրերի շրջանակում իրականացված ճանապարհաշինական աշխատանքները։
Առաջին կանգառը Սևան համայնքի Վարսեր բնակավայրում էր, որտեղ նախարարն այցելել է 3-րդ փողոց և ծանոթացել 1,54 կմ երկարությամբ ճանապարհահատվածի ասֆալտապատման աշխատանքներին, որոնք արդեն ավարտված են։
Այնուհետև նախարարն այցելել է Ճամբարակ քաղաք, որտեղ դիտարկել է կենտրոնական փողոցի 1,461 կմ երկարությամբ հատվածի ասֆալտապատման աշխատանքները։
Նախարարը եղել է նաև Դպրաբակ -Կալավան գնացող 8 կմ երկարությամբ ճանապարհի շինհրապարակում և տեղում անձամբ հետևել է իրականացվող ասֆալտապատման աշխատանքներին։
ՀՀ տարածքային կառավարման և ենթակառուցվածքների նախարարություն
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: