Եթե հնարավորություն լինի` ավելի շատ գազ կարտահանենք ՀՀ. Իրանի փոխնախագահ

Բաժանորդագրվել

Հայ-իրանական միջկառավարական համատեղ հանձնաժողովի 19-րդ նիստի ընթացքում էներգետիկ համագործակցությանը վերաբերող մի շարք հարցեր են քննարկվել։

ԵՐԵՎԱՆ, 10 նոյեմբերի — Sputnik. Իրանի Իսլամական Հանրապետությունը հնարավորության դեպքում պատրաստ է ավելի շատ գազ արտահանել Հայաստան։ Նման հայտարարություն արեց Իրանի փոխնախագահ Սեյեդ Համիդ Փուրմոհամադին` պատասխանելով լրագրողների հարցերին։

Ավելի վաղ հայտնել էինք, որ Իրանի փոխանախագահը Հայաստան է ժամանել Հայ-իրանական միջկառավարական համատեղ հանձնաժողովի 19-րդ նիստի շրջանակներում։

«Հանձնախմբեր են ստեղծվել, որոնցից մեկը վերաբերում է էներգետիկ համագործակցությանը։ Իրանը գազի աշխարհի խոշորագույն պաշար ունեցող երկրներից է։ Եթե հնարավորություն լինի ավելի շատ գազի արտահանման առումով, ապա էլ ի՞նչ ավելի լավ գործընկեր ունենք, քան Երևանը»,– ասաց Փուրմոհամադին։

Նա շեշտեց, որ ստեղծված հանձնախմբի շրջանակում քննարկվել են և՛ գազի, և՛ էլեկտրաէներգիայի, և՛ դիզվառելիքի, և՛ օդանավի վառելիքի ոլորտներին առնչվող հարցեր։
Իրանի փոխնախագահը պնդեց` հանձնախմբի ստեղծման ընթացքում ստորագրված փաստաթուղթն էլ երկու կողմի համար ընդունելի է համարվում։

Նշենք, որ Սեյեդ Համիդ Փուրմոհամադին ՀՀ- ԻԻՀ միջկառավարական համատեղ հանձնաժողովի համանախագահն է նաև։

Leave a comment