Հասարակություն
10.11.2026 | 15:21
Արդարադատության նախարար Սրբուհի Գալյանը լրագրողների հետ ճեպազրույցում անդրադարձավ դատավորների նկատմամբ հարուցվող կարգապահական վարույթներին, կալանքի որպես խափանման միջոցի կիրառման պրակտիկային, հիվանդությունների և կալանքի անհամատեղելիության նոր կարգավորումներին, ինչպես նաև ՌԴ-ից նախկին պաշտոնյաների արտահանձնման հարցերին։
«Հայ նախկին պաշտոնատար անձանց՝ մասնավորապես՝ Գևորգ Կոստանյանի, Միքայել Հարությունյանի, Միհրան Պողոսյանի արտահանձնման հարցը քննարկվե՞լ է ռուս գործընկերոջ հետ»․ հարց ուղղվեց Գալյանին՝ հաշվի առնելով, որ ռուսական կողմը տարիներ շարունակ մերժում է նրանց Հայաստանին փոխանցել։
Ի պատասխան՝ նախարարը նշեց․ «Ցանկացած հարց ենթակա է քննարկման։ Պատասխանատու գերատեսչությունները նաև այդ հարցերով ժամանակ առ ժամանակ միմյանց հետ քննարկումներ են ունենում»։
Մանրամասները՝ տեսանյութում։
Ռոզա Վարդանյան