Հայ շախմատիստներն առաջատարների թվում են պատանեկան ԵԱ-ում

Հունաստանի Կրետե կղզում շարունակվում է շախմատի Եվրոպայի 8-18 տարեկան պատանիների և աղջիկների առաջնությունը:

Հայաստանը առաջնությունում ներկայացնում են 58 շախմատիստներ, հաղորդում է ՀՇՖ մամուլի ծառայությունը:

6 խաղափուլից հետո մինչև 8 տարեկան պատանիների խմբում Ռաֆայել Զաքարյանը ունի 5.5 միավոր և գտնվում է 2-րդ հորիզոնականում։

Մինչև 18 տարեկան պատանիների խմբում միջազգային վարպետ Վահե Սուքիասյանը ունի 5 միավոր և կիսում է 2-3-րդ հորիզոնականները։

Մինչև 16 տարեկան աղջիկների խմբում կանանց ՖԻԴԵ-ի վարպետ Սոնա Կրկյաշարյանը ունի 5 միավոր և կիսում է 2-6-րդ հորիզոնականները։

Մինչև 14 տարեկան պատանիների խմբում ՖԻԴԵ-ի վարպետ Տիգրան Համբարձումյանը ունի 5 միավոր և կիսում է 3-5-րդ հորիզոնականները։

Մինչև 12 տարեկան պատանիների խմբում Հարություն Դերմենջյանը ունի 5 միավոր և կիսում է 2-5-րդ հորիզոնականները։

Մինչև 10 տարեկան պատանիների խմբում Սամվել Մովսիսյանը ունի 5 միավոր և կիսում է 3-8-րդ հորիզոնականները։

Առաջնության ավարտին մնացել է երեք տուր։ 7-րդ խաղափուլը կկայանա նոյեմբերի 10-ին ու կմեկնարկի Հայաստանի ժամանակով 17։00-ին։