Դուք այսօր մարդ եք սպանել․ Քրիստինե Վարդանյանը՝ Արսեն Գևորգյանի մահվան մասին

Բաժանորդագրվել

Երբ մարդիկ անհարկի հեգնում են կալանավորվող անձանց առողջական խնդիրներ ունենալը, կալանավորներն իրենք էլ դադարում են խոսել դրանց մասին, որ այլ տպավորություն չստեղծվի։

ԵՐԵՎԱՆ, 10 նոյեմբերի – Sputnik․ Ստեփանավանի համայնքապետի նախկին թեկնածու Արսեն Գևորգյանի մահվան պատասխանատվությունը ոչ միայն նրան կալանավորման հրահանգ տվածի ու կալանավորման որոշումը կայացրածի վրա են, այլև բոլոր այն մարդկանց, ովքեր ծաղրում են մարդկանց առողջական խնդիրները: Այս մասին ֆեյսբուքյան իր էջում գրել է ՀՀ ԱԺ «Հայաստան» խմբակցության անդամ Քրիստինե Վարդանյանը։

«Դուք այսօր մարդ եք սպանել․․․ Ամեն անգամ, երբ որևէ մեղադրյալի առողջությամբ պայմանավորված միջնորդություն է ներկայացվում մարդու նկատմամբ կալանք չկիրառելու, միշտ գտնվում են մարդիկ, ովքեր հեգնում են մարդու առողջական վիճակը, անտեսում են բժշկական տվյալները»,- գրում է Վարդանյանը։

Նրա խոսքով՝ հենց այս ամենի արդյունքում է, որ կալանավորված անձինք իրենք էլ դադարում են խոսել առողջական խնդիրների մասին, որ այլ տպավորություն չստեղծվի։ Ընդդիմադիր պատգամավորը շեշտում է՝ հենց դրա հետևանքով էլ լինում է այն, ինչ եղավ Արսեն Գևորգյանի հետ։

Հավելենք, որ Արսեն Գևորգյանի կալանավորման միջնորդությունը բավարարել է դատավոր Արամ Գրիգորյանը։

Leave a comment