Ուկրաինայի Գերագույն ռադան առաջին ընթերցմամբ ընդունել է երկրի զինված ուժերի կազմում տիեզերական ուժեր ստեղծելու վերաբերյալ օրինագիծ։
Օրինագիծը ստացել է 252 կողմ ձայն։ Այն նախատեսում է տիեզերական տեխնոլոգիաների զարգացում Ուկրաինայի պաշտպանունակությունն ամրապնդելու նպատակով, այդ թվում՝ հակառակորդի հրթիռային արձակումների մասին նախազգուշացնող սեփական համակարգի ստեղծում և նման հարձակումներին հակազդելու միջոցների մշակում։
Նախաձեռնությունը ներառում է նաև անվտանգության և պաշտպանության ոլորտի կարիքների համար նախատեսված ազգային՝ պաշտպանված արբանյակային կապի համակարգի ստեղծումը։