Իսրայելը նոր հարվածներ է հասցրել Լիբանանի հարավում «Հըզբոլլահ» շարժման թիրախներին
Բաժանորդագրվեք Zarkerak.am-ի տելեգրամ ալիքին։
Իսրայելի բանակը նոր հարվածներ է հասցրել Լիբանանի հարավում «Հըզբոլլահ» շարժման թիրախների դեմ, հաղորդում է բանակի մամուլի ծառայությունը։
Նշվում է, որ հարվածները իրականացվում են «Հըզբոլլահի կողմից հրադադարի ռեժիմի բազմիցս խախտումներին ի պատասխան»։
Հարավային Լիբանանի մի քանի շրջանների վրա հարվածների նոր ալիքը նպատակ ուներ ոչնչացնել «Հըզբոլլահին» պատկանող ռազմական օբյեկտները։
Իսրայելի բանակի մամուլի ծառայության հաղորդմամբ՝ հարվածներն ուղղված են եղել «Հեզբոլլահի» զենքի պահեստներին և հրթիռային կայանքներին։
Մամուլի ծառայությունը «Հըզբոլլահի» նման օբյեկտների առկայությունը այդ շրջաններում անվանել է Իսրայելի և Լիբանանի միջև «հրադադարի համաձայնագրի խախտում»։
«Իսրայելի պաշտպանության բանակը կշարունակի գործել՝ Իսրայել պետությանը սպառնացող ցանկացած սպառնալիք վերացնելու համար», – նշվում է հայտարարության մեջ։