Երևանում շտապօգնության մեքենան հիվանդին տեղափոխելիս վրաերթի է ենթարկել հետիոտնին. վերջինը մահացել է
Բաժանորդագրվեք Zarkerak.am-ի տելեգրամ ալիքին։
Նոյեմբերի 8-ին՝ ժամը 23:10-ի սահմաններում, Գեղարքունիքի մարզի բնակիչ 25-ամյա Դավիթ Մ.-ն իր վարած շտապօգնության ավտոմեքենայով Շիրակի փողոցի 17 հասցեի դիմաց վրաերթի է ենթարկել փողոցը չթույլատրելի հատվածով անցնող հետիոտնին։
Shamshyan.com-ի հաղորդմամբ՝ վարորդը փախուստի չի դիմել, ահազանգել է շտապօգնություն: Ժամանած բժիշկների խումբը վրաերթի ենթարկվածին տեղափոխել է հիվանդանոց, որը, սակայն, ճանապարհին մահացել է։
Դեպքի փաստով քննչական բաժնում նախաձեռնվել է քրեական վարույթ։
Վարորդը ենթարկվել է սթափության փորձաքննության. նա եղել է սթափ։