Վարազդատ Լալայանը բրոնզե մեդալ է նվաճել Չինաստանում անցկացված ծանրամարտի աշխարհի առաջնությունում

ԵՐԵՎԱՆ, 8 նոյեմբերի․ /Նովոստի-Արմենիա/․ Վարազդատ Լալայանը դարձել է ծանրամարտի աշխարհի առաջնության բրոնզե մեդալակիր։

Փարիզի Օլիմպիական խաղերի փոխչեմպիոն, աշխարհի չեմպիոն, Եվրոպայի եռակի չեմպիոն Վարազդատ Լալայանը երկամարտի 457 կգ արդյունքով (210+247 կգ) բրոնզե մեդալ է նվաճել Չինաստանում ավարտվող ծանրամարտի աշխարհի առաջնությունում:

Պոկում վարժությունում նա երկու մոտեցմամբ գլխավերևում պահել է 210 կգ կշռող ծանրաձողն ու կանգնել պատվո հարթակի երկրորդ աստիճանին:

Հրում վարժությունում նա 247 կգ արդյունքով բրոնզե մեդալ է նվաճել:

ԿԳՄՍՆ-ից հայտնում են, որ մինչ այս Հայաստանի կանանց հավաքականի կազմում Ալեքսանդրա Գրիգորյանը (57 կգ) դարձել էր հրում վարժության բրոնզե մեդալակիր։