Դեպքի վայր է մեկնել երեք մարտական հաշվարկ
ԵՐԵՎԱՆ, 8 նոյեմբերի․ /Նովոստի-Արմենիա/․ Նոյեմբերի 7-ին՝ ժամը 22։35-ին, ՆԳՆ 112 օպերատիվ կառավարման կենտրոն ահազանգ է ստացվել, որ Սպիտակ քաղաքի Ալեք Մանուկյան փողոցի ավտոտնակներից մեկում հրդեհ է բռնկվել։
Ներսում կա ավտոմեքենա և բալոն, հայտնում է Փրկարար ծառայությունը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երեք մարտական հաշվարկ։
Պարզվել է, որ հրդեհը բռնկվել է Շահումյան փողոցում գտնվող ավտոտնակներից մեկում և ներսում կայանված «Ford» մակնիշի ավտոմեքենայում։
Մեկ քաղաքացի տարբեր աստիճանի այրվածքներով հոսպիտալացվել է։
Հրդեհը մեկուսացվել է ժամը 23։05-ին, մարվել՝ 23։58-ին։
Հրշեջ-փրկարարները կանխել են հրդեհի տարածումը դեպի հարակից շինություններ։
Կարդացեք նաև. Արմավիրի քրեական ոստիկանները կանխել են 5000 դոլարի դիմաց նախապատրաստվող սպանություն