ԱՄՆ նախագահ Դոնալդ Թրամփը հաստատել է, որ հանդիպել է Ռուսաստանի ուղղակի ներդրումների հիմնադրամի ղեկավար և Ռուսաստանի ղեկավարի հատուկ ներկայացուցիչ Կիրիլ Դմիտրիեւի հետ։ Նա այս մասին հայտնել է Սպիտակ տանը փաստաթղթերի ստորագրման արարողության ժամանակ։
«Այո՛», — պատասխանել է Թրամփը՝ հարցին ի պատասխան։
Նա ընդգծել է, որ չի կարող բացահայտել քննարկման մանրամասները։ «Չեմ կարող ասել՝ կոնկրետ ինչ ենք քննարկել։ Միայն կասեմ, որ համաձայնագիր է լինելու։ Դա լինելու է խոշոր համաձայնագիր, որը չի վերաբերելու միայն Ուկրաինային։ Այն շատ ավելի լայն ընդգրկում կունենա՝ դուրս գալով Ուկրաինայի սահմաններից. կարող եմ նույնիսկ ասել, որ այն կարող է ազդել ամբողջ Եվրոպայի վրա։ Դա լինելու է հիանալի, հրաշալի համաձայնագիր, և բոլորը շատ գոհ կմնան», — պատմել է նա։