Աջակցություն Հայաստանում տեղահանված անձանց իրավական խնդիրների լուծմանը
Իրավաբանական և նոտարական ծառայություններից օգտվելը կարող է առանձնահատուկ դժվարություններ առաջացնել տեղահանված անձանց համար, հատկապես կորցրած փաստաթղթերի վերականգնման, քաղաքացիության դիմումների, ժառանգության և սեփականության իրավունքների հարցերում։
Եվրոպայի խորհուրդը համախմբել էր նոտարներին, փաստաբաններին և քաղաքացիական հասարակության ներկայացուցիչներին՝ քննարկելու այս մարտահրավերները, փոխանակելու մասնագիտական փորձը և բացահայտելու հնարավոր լուծումներ։
Քննարկումները կենտրոնացած էին մի շարք առանցքային հարցերի վրա․
Քաղաքացիության դիմումներ․ կորցրած փաստաթղթերի հետ կապված խնդիրները և համապատասխան փաստերը հաստատելու հնարավոր այլընտրանքային եղանակները,
Ժառանգության իրավունք․ թողնված շարժական գույքի ժառանգման հետ կապված իրավական խոչընդոտները և ՀՀ նոտարների իրավասության շրջանակը,
Անչափահասների սեփականության իրավունքներ․ բնակարանային ծրագրի շրջանակում երեխաների սեփականության իրավունքների պաշտպանության վերաբերյալ մտահոգությունները,
Իրավաբանական ծառայությունների հասանելիություն․ տեղահանված անձանց համար առաջացած գործնական և վարչական խոչընդոտները՝ նոտարական ծառայություններից օգտվելու և կորցրած փաստաթղթերը վերականգնելու գործընթացում։
Աշխատաժողովը հնարավորություն տվեց բացահայտելու առկա իրավական և վարչական կարգավորումների բացերը, ինչպես նաև քննարկելու այն հարցերը, որոնք հետագա ուշադրության և համապատասխան կառույցների հետ համագործակցության կարիք ունեն։ Մասնակիցներն ընդգծեցին տեղահանված անձանց իրավունքների արդյունավետ պաշտպանության նպատակով գործնական լուծումներ գտնելու կարևորությունը։
Միջոցառումն իրականացվել է Եվրոպայի խորհրդի «Հայաստանում տեղահանված բնակչության մարդու իրավունքների պաշտպանության երաշխիքների ամրապնդում» ծրագրի շրջանակում։
Երևանում Եվրոպայի խորհրդի գրասենյակ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: