Բաժանորդագրվեք araratnews-ի տելեգրամ ալիքին։
Ռուսաստանի շահերը Ուկրաինայի հարցում կարող են ապահովվել խաղաղ ճանապարհով, եթե Կիևում գտնվի մեկը, ով իր վրա կվերցնի կարգավորման քաղաքական պատասխանատվությունը։ Այս մասին լրագրողներին հայտարարել է ՌԴ նախագահի մամուլի քարտուղար Դմիտրի Պեսկովը։
Նա ընդգծել է, որ Ռուսաստանի համար նախընտրելի է սեփական շահերն ապահովել խաղաղ ճանապարհով, սակայն մինչ այժմ դա հնարավոր չի եղել, ինչի պատճառով էլ իրականացվում է հատուկ ռազմական գործողությունը։
«Հետևաբար, Ռուսաստանի շահերը կապահովվեն կա՛մ ռազմական ճանապարհով՝ հատուկ ռազմական գործողությունը շարունակելու միջոցով, կա՛մ խաղաղ ճանապարհով, եթե Կիևում գտնվի մեկը, ով քաղաքական կամք կդրսևորի և իր վրա կվերցնի քաղաքական պատասխանատվությունը»,- ասել է Կրեմլի ներկայացուցիչը։